काठमाडौं- गृह मन्त्रालयले आगामी आर्थिक वर्षमा सामाजिक सुरक्षा भत्ता प्राप्त गर्ने लाभग्राहीको नाम साउन मसान्तभित्रै नवीकरण गर्न स्थानीय तहलाई परिपत्र गरेको छ।
मन्त्रालयको राष्ट्रिय परिचयपत्र तथा पञ्जीकरण विभागले सामाजिक सुरक्षा नियमावली २०७६ लागू भइसकेकाले सोहीअनुरुप लाभग्राहीको नाम साउन मसान्तभित्र नवीकरण गर्न साेमबार परिपत्र गरेको हो।
यसअघि भत्ता प्राप्त गर्ने लाभग्राहीले साउनदेखि पुस मसान्तभित्र नवीकरण गर्न पाइन्थ्यो।
अब सामाजिक सुरक्षा भत्ता प्राप्त गर्ने लाभग्राहीले साउनभित्रै नाम नवीकरण गर्नुपर्ने भएको छ।
