काठमाडौं स्वास्थ्य तथा जनसंख्या मन्त्रालयले घर बाहिर निस्कँदा कोरोना रोकथाम तथा न्यूनिकरणका न्यूनतम मापदण्ड अपनाउन आग्रह गरेको छ।
लकडाउन खुकुलो भएसँगै भिडभाड बढेको र न्यूनतम मापदण्ड पालना नगरेको भन्दै मन्त्रालयले सामाजिक दूरी, मास्क, स्यानिटाइजर (एसएमएस) विधिको पालना गर्न सबैमा आग्रह गरेको छ।
मन्त्रालयका प्रवक्ता डा. जागेश्वर गौतमका अनुसार मानिसहरुले अनावश्यक भिडभाड गर्न थालेको, विवाह, भोजभतेर लगायतका कार्य गर्न थालेको भन्दै यस्ता गतिविधिले झनै संक्रमण फैलन सक्ने बताएका छन्।
उपत्यकालगायत घना बस्तीमा कोरोना संक्रमण बढ्न थालेकाले अत्यावश्यक कामबाहेक बाहिर ननिस्कन पनि मन्त्रालयले आग्रह गरेको छ। घरबाट बाहिर निस्कन परेमा एसएमएस विधि अपनाउन मन्त्रालयको सुझाब छ।
प्रकाशित: Jun 29, 2020| 17:47 सोमबार, असार १५, २०७७
