कोरोनाबाट १ करोड संक्रमित, ५० लाख निको भए

काठमाडौं- विश्वव्यापी महामारीको रुपमा फैलिएको कोरोना भाइरसबाट संक्रमित हुनेको संख्या करिब १ करोड पुगेको छ।

जोन हप्किन्स विश्वविद्यालयले राखेको तथ्यांक अनुसार आइतबार बिहानसम्ममा ९९ लाख ५० हजार ९ सय ४५ जना कोरोनाबाट संक्रमित भएका छन् । वर्डओमिटरको तथ्यांकअनुसार १ करोड ८१ हजार ५ सय ४५ जना संक्रमित भेटिएका छन् ।

यस्तै कोरोनाबाट ४९ लाख ८ हजार १ सय ३५ जनाको कोरोनाकै कारण मृत्यु भएको छ । ५० लाख ३१ हजार ७ सय २२ जना निको भएर घर फर्किएका छन् ।

कोरोना निको हुनेहरु अमेरिकामा १० लाख ८१ हजार छन् भने ब्राजिलमा ७ लाख १५ हजार, रुसमा ३ लाख ९३ हजार, भारतमा ३ लाख १० हजार छन् ।

यस्तै ५७ हजार व्यक्तिको गम्भीर अवस्थामा उपचार भइराखेको छ । ४१ लाखभन्दा बढी व्यक्तिमा कोरोना भाइरस सक्रिय रहेको वर्डओमिटरको तथ्यांकमा उल्लेख छ ।

जोन हपकिन्स विश्वविद्यायका अनुसार सबैभन्दा बढी संक्रमित रहेको अमेरिकामा २५ लाख ७ हजार ९ सय ३० व्यक्ति संक्रमणको चपेटमा परेका छन् । त्यहाँ १ लाख २५ हजार ५ सय ४ व्यक्तिको मृत्यु भएको छ ।

दोस्रो स्थानमा रहेको ब्राजिलमा १३ लाख १३ हजार ६ सय ६७ संक्रमित हुँदा ५७ हजार ७० जनाको मृत्यु भएको छ । संक्रमितको संख्याका आधारमा तेस्रो स्थानमा रहेको रुसमा ६ लाख २६ हजार ७ सय ७९ जना संक्रमित हुँदा ८ हजार ९ सय ५८ जनाको मृत्यु भएको छ ।

आइतबार बिहानसम्ममा चौथो स्थानमा रहेको भारतमा ५ लाख ८ हजार ९ सय ५३ जनामा संक्रमण पुष्टि हुँदा १५ हजार ६ सय ८५ जनाको मृत्यु भएको छ । बेलायतमा ३ लाख ११ हजार ७ सय २७ जना संक्रमित हुँदा ४३ हजार ५ सय ९८ जनाको मृत्यु भएको छ ।

नेपालमा भने १२ हजार ३ सय ९ जना संक्रमित हुँदा २८ जनाको मृत्यु भएको छ ।