बागमतीमा कोरोना संक्रमितकाे संख्या ३८७, जिल्लागत विवरणसहित

काठमाडौं- बागमती प्रदेशमा शनिबारसम्म ३८७ जनामा कोरोना भाइरस संक्रमण पुष्टि भएको सामाजिक विकास मन्त्रालयले जनाएको छ।

मन्त्रालयले साँझ उपलब्ध गराएको विवरणअनुसार सबैभन्दा बढी धादिङमा ११७ जनामा संक्रमण देखिएको छ।

यसपछि चितवनमा ६० जना, काठमाडौंमा ५३ जना, सिन्धुपाल्चोकमा ३१ जना र रामेछापमा २६ जना संक्रमित छन्।

नुवाकोटमा २३ जना, भक्तपुरमा २२ जना, मकवानपुरमा १८ जना, सिन्धुलीमा १३, रसुवामा ९ जना, ललितपुरमा ७ जना, काभ्रेमा ६ जना र दोलखामा २ जना संक्रमित छन्।

रसुवामा शनिबार पहिलोपटक संक्रमण देखिएको हो। आज रसुवामा ९, काठमाडौंमा ४, भक्तपुरमा १ धादिङमा ३, चितवनमा २ र मकवानपुरमा १ जना गरी २० जना संक्रमित भएको मन्त्रालयले जनाएको छ।

प्रदेशमा कोरोना भाइरसबाट अहिलेसम्म ५ जनाको मृत्यु भएको छ। १०८ जना कोरोना मुक्त भएका छन् भने २७४ जनाको विभिन्न अस्पतालमा उपचार भइरहेको मन्त्रालयले जनाएको छ।