प्रदेश १ बाट एकै दिन ७० जनाले कोरोना जिते

विराटनगर- प्रदेश १ बाट बिहीबार ७० जनाले काेराेना भाइरस जितेका छन। पूर्वाञ्चल विश्वविद्यालय कोभिड १९ आइसोलेसन सेन्टरमा उपचाररत ७० जना डिस्चार्ज भएका हुन्।

डिस्चार्ज हुनेमा मोरघका १२, झापाका २९, सुनसरीका २०, इलामका २, उदयपुरका ४, पाँचथर, भोजपुर र ताप्लेजुङका १-१ जना छन्। उनीहरु जेठ २५ देखि ३० गतेसम्म भर्ना भएका १५ देखि ४८ वर्ष उमेर समूहका छन्।

डिस्चार्ज भएकाहरूलाई पूर्वाञ्चल विश्वविद्यालयका डिन डा‍‍. शैलेशमणि पोखरेल, स्वास्थ्य कार्यालय मोरङका प्रमुख ज्ञानबहादुर बस्नेतलगायतले बिदाइ गरेका थिए। प्रदेश १ बाट डिस्चार्ज हुनेको संख्या ३ सय ५५ पुगेको छ। प्रदेश १ मा बिहीबार ७ जना संक्रमित थपिएका छन्।

बिहीबार मोरङमा १, सुनसरीमा २ र झापामा ४ जना सङ्क्रमित भएका हुन्। याेसहित प्रदेश १ मा संक्रमितको संख्या ५ सय ३ पुगेको छ ।