स्पेनिस ला लिगामा एट्लेटिको मड्रिडको संघर्षपूर्ण जित

स्पेनिस ला लिगा फुटबलमा एट्लेटिको मड्रिडले संघर्षपूर्ण जित निकालेको छ। लेभान्टेको घरेलु मैदानमा मंगलबार राति भएको खेलमा एटलेटिकोले १-० को जित निकालेको हो।

एट्लेटिकोले खेलको एकमात्र गोल आत्मघाती उपहार पाएको थियो। खेलको १५ औं मिनेटमा लेभान्टेका डिफेन्डर ब्रुनोको आत्मघाती गोलबाट एट्लेटिकोले अग्रता बनाएको थियो।

पहिलो हाफमा १-० को अग्रता बनाएको एट्लेटिकोले दोस्रो हाफमा थप गोल गर्न सकेन। दुवै टोलीबाट थप गोल हुन नसक्दा खेल एट्लेटिकोले १-० को संघर्षपूर्ण जित निकालेको हो।

यस जितसँगै एट्लेटिको अंक तालिकाको तेस्रो स्थानमा उक्लिएको छ। सेभियालाई पछि पार्दै एट्लेटिकोले ३१ खेलबाट ५५ अंक जोड्दै तेस्रो स्थानमा उक्लिएको हो। यता पराजित लेभान्टे भने समान खेलबाट ३८ अंक जोड्दै ११ औं स्थानमा छ।

त्यस्तै मंगलबार राति नै भएको अर्को खेलमा भालाडोलिडले गेटाफेसँग बराबरी खेलेको छ। भालाडोलिडको घरेलु मैदानमा भएको खेलमा गटाफेली १-१ गोलको बराबरी खेलेको हो।
- एजेन्सी