प्रदेश १ मा कोरोना संक्रमित ४ सय नजिक

विराटनगर– प्रदेश १ मा सोमबार २६ जना कोरोना संक्रमित थपिएका छन् । ४ महिला र २२ जना पुरुषमा संक्रमण देखिएको छ हो

मोरङमा २२ जना, सुनसरीमा ३ जना र झापामा १ जनामा संक्रमण देखिएको छ । सुनसरीको बराहक्षेत्रमा १ महिला र १ पुरुष, बर्जुमा १ पुरुष, झापाको मेची नगरमा १ पुरुष,

मोरङको केराबारीमा १ महिला, सुनवर्षीमा २ महिला र १९ जना पुरुषमा संक्रमण देखिएको मुख्यमन्त्री तथा मन्त्रिपरिषद्को कार्यालयले जनाएको छ ।

प्रदेश १ मा सोमबार २६ जना संक्रमित थपिएसँगै कुल संक्रमितको संख्या ३ सय ९७ पुगेको छ । संक्रमित भएका मध्ये २६ महिला र ३ सय ७१ पुरुष छन् ।

प्रदेश १ बाट सोमबार ८ जना डिस्चार्ज भएका छन् । कोशी अस्पताल कोभिड १९ उपचार केन्द्रमा उपचाररत ८ जना आज डिस्चार्ज भएको अस्पतालले जनाएको छ ।

डिस्चार्ज हुनेमा ४ जना झापाका, २ जना मोरंग र २ जना संखुवासभाका रहेका छन् । प्रदेश १ मा डिस्चार्ज हुनेको संख्या १ सय ७४ पुगेको छ ।

१ हजार ७४ बेड हटाइयो

प्रदेश १ मा ४ सय २१ स्थानमा तयार गरिएका क्वारेन्टिन बेडमध्ये सोमबार १ हजार ७४ वेड हटाइएको छ । विश्व स्वास्थ्य संगठनको मापदण्ड विपरित निर्माण गरिएका बेडहरु हटाईएको मुख्यमन्त्री तथा मन्त्रिपरिषद्को कार्यालयले जनाएको छ ।

प्रदेश १ मा १० हजार ४ सय ४५ क्वारेन्टिन बेड तयार गरिएको छ ।