प्रदेश २ मा कोरोना संक्रमितको संख्या १ हजार ३७७ पुग्यो

जनकपुरधाम – प्रदेश २ मा ५४ जना कोरोना संक्रमित थपिएका छन्। पछिल्लो २४ घण्टामा प्रदेश २ मा ५४ जनामा संक्रमण पुष्टि भएको सामाजिक विकास मन्त्रालयले जनाएको छ।

मंगलबार सबैभन्दा बढी धनुषामा २१ जनामा संक्रमण पुष्टि भएको छ। धनुषाको मुखियापट्टी मुसहरनियास्थित क्वारेन्टिनका ११ र जनकनन्दनी गाउँपालिकाका १० जनामा संक्रमण देखिएको मन्त्रालयले जनाएको छ।

यसैगरी महोत्तरीको बर्दिवास नगरपालिकामा ११ र एकडारा गाउँपालिकामा ४ जनामा संक्रमण पुष्टि भएको छ। संक्रमण पुष्टि भएकाहरु सम्बन्धित स्थानीय तहको क्वारेन्टिनमा रहेकाहरु हुन्।

पछिल्लो २४ घण्टामा सप्तरीमा १३ जनामा संक्रमण पुष्टि भएको छ। संक्रमण पुष्टि भएकाहरु सप्तरीको छिन्नमस्ता र राजविराज नगरपालिकास्थित क्वारेन्टिनमा रहेकाहरु हुन्।

सर्लाहीको कोडौना गाउँपालिकास्थित क्वारेन्टिनमा रहेका एकजनामा संक्रमण पुष्टि भएको जनाइएको छ। संक्रमण भएर उपचारपश्चात प्रदेश २ मा २६३ जना निको भएर घर फर्किसकेका छन्।

कुन जिल्लामा कति?