आफ्नै समर्थकले गरे खेलाडीमाथि आक्रमण

एजेन्सी- पोर्चुगगिज क्लब बेनिफिकाका खेलाडीलाई क्लबकै समर्थले आक्रमण गर्दा दुई खेलाडी घाइते भएका छन्।

बिहीबार राति सम्पन्न खेलमा उसले टोन्डेलासँग बराबरी खेलेपछि समथर्कले खेलाडीमाथि नै आक्रमण गरेका हुन्।

आक्रमणमा जर्मन मिडफिल्डर जुलियन वेगल र सर्वियन फरवार्ड अन्ड्रिजा जोकोभिक घाइते भए।

खेल बन्द रंगशालामा भएको थियो। तर क्लबले खेल जितेर दोस्रो स्थानको पोर्टोलाई हराउने आशाका साथ क्लबका समर्थक र्‍याली निकाल्न भेला भएका थिए।

तर क्लबले टोन्डेलासँग गोरहित बराबरी खेल्दै पोर्टोसँग अंक बराबरी गरेको छ। खेलाडीले क्लबलाई नजिताएको भन्दै आक्रोशित समर्थकले गरेको युरोपेली सञ्चारमाध्यमले लेखेका छन्।

समान २५ खेल खेलेका बेनिफिका र पोर्टोले समान १९ जित, ३ बराबरी र ३ हारका साथ ६० अंक बनाएका छन्। गोल अन्तरका आधारमा बेनिफिका अगाडि छ।

घटनापछि बेनिफकाले लेखेको छ, ‘खेलाडीमाथिको अपराधिक घटनाप्रति निन्दा गर्दछौँ।’

लिगमा अब ९ चरणका खेल बाँकी रहेका छन्।