वेस्ट इन्डिजका ३ खेलाडी इंग्ल्यान्ड नजाने

एजेन्सी– जुलाईमा इंग्ल्यान्डमा हुने टेस्ट क्रिकेट प्रतियोगितामा वेस्ट इन्डिजका तीन खलाडी सहभागी नहुने भएका छन्।

कोरोना भाइरसको जोखिमका कारण उनीहरुले खेलमा सहभागी हुन नचाहेको बताएका छन्।

वेस्ट इन्डिजले ब्याट्सम्यान सिम्रन हेत्मेयर र ड्रेन ब्राभोका साथै अलराउन्डर किमो पाउलबाहेक अन्य २५ खेलाडीको टिम तयार गरेको छ।

प्रतियोगिता आउँदो जुलाई ८ बाट इंग्ल्यान्डमा बन्द रंगशालामा सुरु हुँदै छ। ८ जुलाईमा सुरु पहिलो टेस्ट १२ जुलाईसम्म चल्ने छ भने दोस्रो खेल १६–२० जुलाईमा हुने छ। त्यस्तै अन्तिम तथा तेस्रो खेल २४–२८ जुलाईसमम चल्ने छ।

वेस्ट इन्डिज क्रिकेट (सीडब्लूआई)का अनुसार केही दिनमै खेलाडीको कोरोना टेस्ट गरिने छ। र, आउँदो जुलाई ८ मा उनीहरु इंग्ल्यान्ड प्रस्थान गर्ने छन्। इंग्ल्यान्ड जाने खेलाडीमा १४ जनाको मुख्य टिमसहित ११ रिजर्भ खेलाडी छन्।

सीडब्लूआईले टिममा सहभागी हुन नचाहेका खेलाडीको निर्णयप्रति सम्मान गर्ने बताएको छ।