कोल्न र डुसलडोर्फको बराबरी

कोल्नको घरेलु मैदानमा सम्पन्न खेलमा उसले पाहुना टोली फोर्टुना डुसलडोर्फसँग २–२को बराबरी खेलेको छ। बुन्डेसलिगा अन्तर्गत रेहेन इनर्जी रंगशालामा सम्पन्न खेलमा दुवै टोलीमा तर्फबाट समान २–२ गोल भएको हो।

सुरुका दुवै गोल पाहुना टोलीले गरे तापनि घरेलु टिम काल्नले खेलको अन्तिम समयमा पुनरागमन गरेको थियो। डुसलडोर्फका तर्फकाट खेलको ४१ औं मिनेटमा केनम कारामानले गोल गर्दै टोलीलाई सुरुवाती अग्रता दिलाएका थिए।

त्यस्तै खेलको ६१ औं मिनेटमा एरिक थोमीले गोल गरेपछि डुसलडोर्फ दुई गोलको अग्रतामा थियो। लामो समयसम्म यही अग्रता काय गरे तापनि ८८ औं मिनेटमा कोल्नका एन्थोनी मोडेस्टेले गोल गर्दै क्लबलाई फर्ममा ल्याएका थिए।

इन्ज्युरी समयमा जोन कोर्दोबाले घरेलु टिमका लागि दोस्रो गोल गरेपछि दुवै क्बलको समान २–२ गोल भएको थियो।

बराबरीसँगै काल्नको ३४ अंक भएको छ भने डुसलडोर्फको २४ अंक भएको छ। यि क्लब लिगको क्रमशः १० औं र १६ औं स्थानमा छन्।