देउवालाई खबरदारी गर्न पौडेल पक्षले डाक्यो छुट्टै भेला

नेपाली कांग्रेसका वरिष्ठ नेता रामचन्द्र पौडेल पक्षले बेग्लै भेला डाकेको छ।

नेपाल समय | सोमबार, भदौ २८, २०७८

नेपाल समय

सोमबार, भदौ २८, २०७८

देउवालाई खबरदारी गर्न पौडेल पक्षले डाक्यो छुट्टै भेला

काठमाडौं– नेपाली कांग्रेसका वरिष्ठ नेता रामचन्द्र पौडेल पक्षले बेग्लै भेला डाकेको छ। पार्टी केन्द्रीय कार्यालय सानेपामा डाकिएको भेलामा पौडेल पक्षमा रहेका शीर्ष नेता र केन्द्रीय सदस्य उपस्थित हुनेछन्। सभापति शेरबहादुर देउवाले आफ्नो गृहजिल्ला डडेल्धुरामा क्रियाशील सदस्यता विवादबीच वडा अधिवेशन सम्पन्न गरेपछि पौडेल पक्ष रुष्ट छ।

देउवाको यस्तो प्रवृत्तिले १४ औं महाधिवेशन निष्पक्ष हुनेमा शंका देखिएकाले खबरदारी गर्न भेला बोलाइएको एक नेताले बताए। मुलुककमा २१ जिल्लामा कांग्रेस क्रियाशील सदस्यता विवाद छ।

भदौ १८ का लागि तय गरिएको वडा अधिवेशन असोज ५ सम्म धकेलिएको छ। बैठकमा क्रियाशील विवाद देखिएका जिल्लामा तत्कालै विवाद हल गर्नका लागि पहल गर्ने विषयमा छलफल हुने एक नेताले बताए।

प्रकाशित: Sep 13, 2021| 08:54 सोमबार, भदौ २८, २०७८