मंगलबार, माघ २४, २०७९

देउवाको गृहजिल्लामा वडा अधिवेशनका नाममा 'अत्याचार', ठेकेदारलाई सभापति बनाउन शक्तिको दुरुपयोग

राम धामी  |  काठमाडौं, शनिबार, भदौ २६, २०७८

नेपाल समय

राम धामी

शनिबार, भदौ २६, २०७८, काठमाडौं

नेपाल समय

डडेल्धुरा– नेपाली कांग्रेस डडेल्धुराले विधिवत् रुपमा वडादेखि जिल्ला कार्यसमितिबाट पारित गरेर पठाइएका क्रियाशील सदस्यमा थपघट गरेर आफूले अघि सारेका उम्मेदवार भिमबहादुर साउँदलाई जिल्ला नेतृत्वमा ल्याउन अन्तिम प्रयास गरेका प्रधानमन्त्री तथा नेपाली कांग्रेसका सभापति शेरबहादुर देउवाले विवादकै बीच एकपक्षीय रुपमा वडा अधिवेशन गर्न लगाएर जिल्लाका कार्यकर्ताहरुमाथि थप अन्याय र अत्याचार गरेको आरोप लागेको छ।

देउवाको गृहजिल्ला डडेल्धुरामा वडा अधिवेशनका नाममा शुक्रबार जिल्लाका ५२ वटै वडामा भएको नौटंकीले सबैलाई आश्चर्यचकित तुल्याएको कांग्रेस कार्यकर्ताहरुको गुनासो छ। पार्टीको आधिकारिक संरचनालाई बेवास्ता गर्दै जिल्ला कार्यसमिति र मातहतका इकाइ कार्यसमितिहरुले सदस्यता विवादको टुंगो नलागेसम्मका लागि वडा अधिवेशन स्थगित गर्दा पनि व्यापक सुरक्षाकर्मी परिचालन गरेर एकपक्षीय रुपमा अधिवेशनको नाटक गरिएको जिल्ला सभापति कर्ण मल्ल समूहको आरोप छ। 

जिलाका ५२ वटै वडामा शुक्रबार वडा अधिवेशनको प्रक्रिया अगाडि बढेको निर्वाचन अधिकृत लोकेन्द्रबहादुर बमले जानकारी दिए। जिल्ला कार्यसमितिको बहुमतका साथै जिल्लाका ५२ मध्ये ४२ वडा कार्यसमितिले अधिवेशन स्थगित गर्ने निर्णय गरेको अवस्थामा डडेल्धुरा जिल्ला कार्यसमितिविरुद्ध गुटबन्दीमा सक्रिय केही जिल्लास्तरीय नेताहरुले आफू निकट कार्यकर्ताहरुलाई भेला गरेर अधिवेशनको नाटक मञ्चन गरिएको नेपाली कांग्रेस अजयमेरु गाउँ कार्यसमितिका सभापति कर्णबहादुर मल्लले बताए।

निर्वाचन केन्द्रमा बाक्लो मात्रामा प्रहरी र सशस्त्र प्रहरी परिचालन गरिएको थियो। पार्टी सभापति तथा प्रधानमन्त्री देउवाले सत्ता र शक्तिको दुरुपयोग गरेर वडा अधिवेशन गरिरहेको जिल्लास्तरीय नेताहरु बताउँछन्। केन्द्रीय सभापति देउवाले हालसम्म जिल्लामा नेतृत्व स्थापित हुन नदिएको इतिहास रहेको र यसपटक पनि जिल्लास्तरमा बलियो नेताका रुपमा स्थापित सभापति मल्ललाई सिध्याएर आफूलाई चुनावमा लगानी गर्ने र विभिन्न ठेक्काहरु लिएर काम अलपत्र पार्ने ठेकेदार भीम साउँदलाई जिल्ला नेतृत्वमा ल्याउन वडा अधिवेशनको नाटक गरिएको नेपाली कांग्रेस डडेल्धुराका उपसभापति करुणाकर भट्टले बताए। 

सभापति देउवाकै निर्देशन र संरक्षणमा हाल डडेल्धुरा कांग्रेसमा दुई गुट सक्रिय छन्। जिल्ला सभापति कर्णबहादुर मल्ल र केन्द्रीय सभापति देउवाको संरक्षणमा रहेको गुट हाल अस्तित्वमा रहेको कांग्रेस कार्यकर्ताहरु बताउँछन्। सभापति देउवाको संरक्षणमा रहेको गुटमा पूर्वजिल्ला सभापति रघुवर भट्ट, प्रदेश सभाका समानुपातिक सांसद गोविन्दराज बोहरा, पर्शुराम नगरपालिकाका मेयरसमेत रहेका ठेकेदार भीमबहादुर साउँदलगायतका जिल्ला स्तरीय नेताहरू छन्।

जिल्ला कार्यसमितिले नवीकरण र नयाँ क्रियाशील सदस्यताका लागि पाँच हजार आठ सय चार जनाको नामावली पठाएकोमा सभापति देउवाको निर्देशनमा छानबिन समितिले चार सय ४४ जनाको नाम हटाइदिएको र कुनै पनि प्रक्रियामा नआएका तीन सय १२ जना थपिएको हुँदा विवादको अवस्था बनेको नेपाली कांग्रेस डडेल्धुराका पूर्व सचिव लोकराज भट्टले बताए । 

सभापति देउवाकै निर्देशन र संरक्षणमा हाल डडेल्धुरा कांग्रेसमा दुई गुट सक्रिय छन्। जिल्ला सभापति कर्णबहादुर मल्ल र केन्द्रीय सभापति देउवाको संरक्षणमा रहेको गुट हाल अस्तित्वमा रहेको कांग्रेस कार्यकर्ताहरु बताउँछन्। सभापति देउवाको संरक्षणमा रहेको गुटमा पूर्वजिल्ला सभापति रघुवर भट्ट, प्रदेश सभाका समानुपातिक सांसद गोविन्दराज बोहरा, पर्शुराम नगरपालिकाका मेयरसमेत रहेका ठेकेदार भीमबहादुर साउँदलगायतका जिल्ला स्तरीय नेताहरू छन्।

सभापति देउवाले क्रियाशील सदस्यता विवादको टुंगो लगाएर मात्रै वडा अधिवेशन गर्ने केन्द्रीय नेताहरुलाई आश्वस्त पारे पनि शुक्रबार एकाएक वडा अधिवेशनका नाममा हाल पार्टीको जिम्मेवारीमा रहेका र पार्टीमा योगदान पुर्याएका नेता कार्यकर्ताहरुलाई पाखा लगाएर अत्याचार गरिएको परशुराम नगरपालिका वडा नम्बर १२ का सभापति राजबहादुर भण्डारीले बताए। उनले पार्टीमा लामो समयदेखि योगदान पुर्याएका कार्यकर्ताहरुको अवमूल्यन भएको र चाप्लुसी गर्ने र चुनावमा पैसा बाँड्‍ने व्यक्तिहरु हावी हुन थालेको जिकिर गरे। यसले संगठनलाई बनाउने भन्दा पनि राजनीतिक व्यापारले स्थापन पाउने र विचारको राजनीति सिध्याउने उनले बताएका छन्। 

सभापति देउवाले वडा अधिवेशनका नाममा गरेको मनोमानीको प्रभाव आगामी स्थानीय तह र प्रदेशसभा निर्वाचनमा पर्ने अनुमान गरिएको छ। यसअघि  पार्टीभित्रकै विवादका कारण आफ्नो पकड भएको क्षेत्रमा पनि कांग्रेसले चुनाव हारेको थियो। गृहजिल्लामा एकल पकड बनाउँदै आएका सभापति देउवाले आफूभन्दा फरक मत राख्ने र जिल्लामा स्थापित हुन खोज्ने नेताहरुलाई पाखा लगाएको क्रुर इतिहास भएको नेपाली कांग्रेस डडेल्धुराका पाका कार्यकर्ताहरु बताउँछन्।

२०१४ सालमा नेपाली कांग्रेस डडेल्धुराका संस्थापक सभापति एनडीप्रकाश चटौतको हवाई दुर्घटनामा निधन भएपछि हालसम्म नेपाली कांग्रेस डडेल्धुराको नेतृत्व गरिरहेका सबै जिल्ला सभापतिहरु हाल देउवासँग छैनन्। स्वतन्त्रता सेनानी सत्यराज पनेरु, देउवासँगै कांग्रेसको राजनीतिमा होमिएका पाका नेता पीएच भट्ट, डिएल भण्डारी, लामो समय नेपाली कांग्रेस डडेल्धुराको सभापति रहेका नेताहरु हिरादत्त भट्ट, रामचन्द्र चटौत, शेरबहादुर ढाँट सभापति देउवाको कोपभाजनमा पर्ने नेताहरु हुन्।

२०४७ सालदेखि निरन्तर १६ वर्ष नेपाली कांग्रेस डडेल्धुराको नेतृत्व गरेका पूर्वसभापति हिरादत्त भट्टले देउवाको साथ छाडेर हाल पौडेल पक्षको राजनीतिमा सक्रियता देखाएका छन् भने चटौत र ढाँटले कांग्रेस पार्टी नै परित्याग गरेका छन्। ‘अधिकांश जिल्लास्तरीय नेताहरु लोकप्रियता हासिल गरेकै कारण सभापति देउवाको निशाना परेका छन्,’ पाका कांग्रेस नेता दीर्घराज जोशीले भने,‘जिल्ला राजनीतिमा सम्भावना बोकेका र लोकप्रियता हासिल गर्न खोज्ने कांग्रेस नेताहरुलाई देउवाले पाखा लगाउने गरेका छन् ।’

क्रियाशील सदस्यता वितरणमा भएको धाँधली र वडा अधिवेशनका नाममा पार्टी संरचनालाई बाइपास गरेर गुटगत भेला सम्पन्न गरिएको विषयमा नेपाली कांग्रेस डडेल्धुराले सर्वोच्च अदालतमा न्यायका लागि रिट दर्ता गर्ने तयारी गरिरहेको नेपाली कांग्रेस डडेल्धुराको सभापति पदका आकंक्षी हरिप्रसाद भट्टले बताए। उनले सभापति देउवाबाटै अन्याय सहनु हुन्न भनेर प्रशिक्षण लिएका कार्यकर्ता भएकाले पार्टीमा भएको अन्याय सहेर नबस्ने जिकिर गरे। 

डडेल्धुराका प्रमुख जिल्ला अधिकारी हरिप्रसाद घिमिरेले पार्टीको वडा अधिवेशनका लागि एक सय ९५ जना जनपद र सोही संख्यामा सशस्त्र प्रहरी बाहिरी जिल्लाबाट मगाएर परिचालन गरिएको बताए। सुरक्षाकर्मीको आडमा पार्टीको विधान मिचेर वडा अधिवेशन गरिएको देखाइए पनि स्वयम् प्रधानमन्त्री देउवाको वडा गन्यापधुरा गाउँपालिका–१ मा शनिबारसम्म वडा कार्यसमिति र क्षेत्रीय प्रतिनिधिमा बस्ने क्रियाशील सदस्य नभेटाइएको स्थानीय नेता कार्यकर्ताहरु बताउँछन्। जिल्लाका अधिकांश वडामा कोरम पुग्ने संख्यामा पनि क्रियाशील सदस्यहरु उपस्थित नभएपछि घरघरमा पुगेर हस्ताक्षर गरिन थालिएको छ। 

यो पनि


प्रकाशित: September 11, 2021 | 20:55:48 काठमाडौं, शनिबार, भदौ २६, २०७८

तपाईं को प्रतिक्रिया

ट्रेंडिंग

अनाथालय प्रमुख नै बलात्कारी !

बालिका बलात्कारको आरोपमा चन्द गत माघ १७ गते अनाथालयबाटै पक्राउ परेका हुन्।

सरकारबाट बाहिरिएका रास्वपाका मन्त्रीले किन गरेनन् पत्रकार सम्मेलन?

राष्ट्रिय स्वतन्त्र पार्टी (रास्वपा) आइतबार नै सरकारबाट बाहिरिसकेको छ।

संसद् भवन अगाडि भिख माग्दै बालिका

अकासेपुलमा भिख माग्नका लागि राखिएकी एक अबोध बालिका

मिडियामाथि आक्रोशित रविले जे बोले…

आइतबार सरकारमा रहने वा बस्ने विषयमा भएको छलफलमा पार्टीले सरकारबाट बाहिरिने निर्णय गरेको छ। सरकारबाट बाहिरिने निर्णय सुनाउँदै पत्रकार सम्मेलन गरेका रविले भने सबै झोंक मिडियामाथि पोखेका छन्।

आउने चुनावमा बहुमत ल्याएर प्रधानमन्त्री हुन्छु: रवि

राष्ट्रिय स्वतन्त्र पार्टीका सभापति रवि लामिछानेले आगामी चुनावमा आफ्नो पार्टीले बहुमत ल्याउने र आफू प्रधानमन्त्री हुने उद्घोष गरेका छन्

नारायणकाजीसँग मन्त्रालय साटफेरको चर्चा, मान्लान् रवि?

राष्ट्रिय स्वतन्त्र पार्टी सरकारमा रहने कि बाहिरिने चर्चा चलिरहेको समयमा सत्ता गठबन्धन दलभित्र पार्टी सभापति रवि लामिछानेलाई भौतिक पूर्वाधार मन्त्रालय दिएर मनाउने तयारी भएको बताइएको छ।

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

थप समाचार

नेपाल समय
सुदूरपश्चिम

सुदूरपश्चिमका मुख्यमन्त्रीलाई विश्वासको मत लिन सकस, बुधबार सफलता मिल्ला?

सुदूरपश्चिम प्रदेशका मुख्यमन्त्री राजेन्द्र सिंह रावलले माघ २५ गते बुधबार विश्वासको मत लिने तयारी गरेका छन्।
नेपाल समय
सुदूरपश्चिम

उखु काट्ने चटारो

स्थानीय कृषक नगदेबालीका रुपमा रहेको उखुखेती गर्न थालेपछि आर्थिक रुपमा सवल बन्दै जान थालेका छन् ।
नेपाल समय
सुदूरपश्चिम

एक दशकदेखि अलपत्र पक्की पुल

नदीमा पुल निर्माणका लागि पिल्लर ठड्याइएको भए पनि निर्माण कार्य तीन वर्ष अघिदेखि अलपत्र परेको स्थानीयवासी बताउँछन्।
नेपाल समय
सुदूरपश्चिम

माछी मार न हो...

पूरै नदीलाई समेट्ने गरी धिमरी राखेर राना थारु समुदायले कात्तिकदेखि जेठसम्म माछा मार्ने गर्छन् ।
नेपाल समय
सुदूरपश्चिम

पक्की पुल अलपत्र, अस्थायीमा तिर्नुपर्छ पैसा

सो पुल नजिकै एक दशक अघिदेखि पक्की पुलको पिल्लर ठड्याइएको भएपनि पुल निर्माण कार्य अलपत्र परेको छ । त

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना