३०० पुल बनाइने, काठमाडाैं-निजगढ द्रुत मार्ग तीन वर्षभित्र

सरकारले आगामी आर्थिक वर्षमा ३०० पुल पक्की निर्माण गर्ने भएको छ । मदन भण्डारी राजमार्ग पाँच वर्षभित्र पूरा गरिने सरकारको नीति तथा कार्यक्रममा उल्लेख छ।

यस्तै उक्त राजमागर्कको झापा धरान खण्डमा आवश्यक पुल बनाइनेछ भने  पूर्व पश्चिम राजमार्गलाई चारलाइनको द्रुत बनाइने नीति तथा कर्यक्रममा उल्लेख छ । काठमाडौं निजगढ द्रुत मार्ग आगामी तीन वर्ष पूरा गरिनेछ।

आगामी आर्थिक वर्षमा उक्त द्रुतमार्गमा जटिल प्रकृतिका पुल र सुरुङ बनाइनेछ। मध्यपहाडी ३०० किमि, हुलाकी राजमार्गको २००, कालीगण्डकी ९० किमि सडक कालोपत्र गरिने नीति तथा कार्यक्रममा उल्लेख छ।

यस्तै कोसी र कर्णाली कोरिडोरको स्तरोन्नति गरिनेछ भने नागढुंगामा एक किमि सुरङ बनाइनेछ। सिद्धार्थ राजमार्गको सिद्धबाबा खण्डमा सुरुङ निर्माण गरिने, बेत्रावती, स्याफ्रु -गुर्जेभन्ज्याङमा सुरुङ निर्माण गरिने नीति तथा कार्यक्रममा छ।