भारतको महाराष्ट्रमा एक हजार प्रहरी कोरोना संक्रमित, ७ जनाको मृत्यु

भारतको महाराष्ट्रमा कोरोनाबाट एक हजार प्रहरी संक्रमित भएका छन् भने ७ जनाको मृत्यु भएको छ ।

नेपाल समय | बुधबार, वैशाख ३१, २०७७

नेपाल समय

बुधबार, वैशाख ३१, २०७७

भारतको महाराष्ट्रमा एक हजार प्रहरी कोरोना संक्रमित, ७ जनाको मृत्यु

काठमाडौं- भारतको महाराष्ट्रमा कोरोनाबाट एक हजार प्रहरी संक्रमित भएका छन् भने ७ जनाको मृत्यु भएको छ ।

हिजो (मंगलबार) थप २ सय २१ जनामा संक्रमण पुष्टि भएसँगै महाराष्ट्रमा कोरोना संक्रमित प्रहरीको संख्या एक हजार पुगेको छ ।

संक्रमित प्रहरीमध्ये ११३ जना निको भएर घर फर्किएका छन् । बाँकी चिकित्सकको निगरानीमा उपचार सेवा लिइरहेका छन् । संक्रमितमध्ये ९१ जना प्रहरी अधिकृत रहेका छन् भने ७९६ जना प्रहरी जवान रहेका छन्।

भारतको महाराष्ट्र कोरोनाबाट सबैभन्दा बढि प्रभावित राज्य हो । जहाँ अहिलेसम्म २४ हजार ४ सय २७ जना संक्रमित भएका छन् भने ९ सय २१ जनाको मृत्यु भएको छ।

भारतमा अहिलेसम्म ७४ हजार २ सय ९२ जना संक्रमित भएका छन् । २ हजार ४ सय १५ जनाको मृत्यु भएको छ । भारतमा अहिलेसम्म २४ हजार ४ सय ५३ जना उपचारपछि निको भएर घर फर्किएका छन् ।

प्रकाशित: May 13, 2020| 11:21 बुधबार, वैशाख ३१, २०७७