कोरोनाबाट एकैदिनमा ८ हजार ६ सयको मृत्यु, कुन देशमा कति संक्रमित ?

काठमाडौं- विश्वका २ सय १० देशमा फैलिएको कोरोना भाइरसबाट पछिल्लो २४ घण्टामा (शुक्रबार) ८ हजार ६ सय ५३ जनाको मृत्यु भएको छ ।

यो एकै दिनमा कोरोनाबाट ज्यान गुमाउनेको संख्या अहिलेसम्मकै उच्च हो । बिहीबार ६ हजार ९ सय ९८ जनाको मृत्यु भएको थियो । विश्वभर अहिलेसम्म कोरोनाका कारण १ लाख ५० हजार बढिको मृत्यु भएको छ ।

कोरोनाबाट २१ लाख ६७ हजार बढि संक्रमित भएका छन् । पछिल्लो २४ घण्टामा ८५ हजार ६ सय ७० ब्यक्ति संक्रमित भएका छन् ।

संक्रमित र मृत्युदर सबैभन्दा उच्च रहेको अमेरिकामा पछिल्लो २४ घण्टामा ३१ हजार ६ सय ३१ जना नयाँ संक्रमित थपिएका छन् भने २ हजार ५ सय १६ जनाको मृत्यु भएको छ ।

अमेरिकामा अहिलेसम्म कोरोनाबाट ७ लाख ९ हजार २ सय ब्यक्ति संक्रमित भएका छन् भने ३७ हजार १ सय ३५ जनाको मृत्यु भएको छ ।

यस्तै स्पेनमा शुक्रबार मात्रै ५ हजार ८ सय ९१ जना नयाँ संक्रमित थपिदा ६ सय ८७ जनाको मृत्यु भएको छ । स्पेनमा अहिलेसम्म कोरोनाबाट १ लाख ९० हजार ८ सय ३९ जना कोरोनाबाट संक्रमित भएका छन् भने २ हजार २ जनाको मृत्यु भएको छ ।

इटालीमा पछिल्लो २४ घण्टामा ३ हजार ४ सय ९३ जना संक्रमित थपिदा ५ सय ७५ जनाको मृत्यु भएको छ । अहिलेसम्म इटालीमा १ लाख ७२ हजार ४ सय ३४ जना कोरोनाबाट संक्रमित भएका छन् भने २२ हजार ७ सय ७५ जनाको मृत्यु भएको छ ।

शुक्रबार १ हजार ९ सय ९ संक्रमित थपिएसँगै फ्रान्समा कोरोनाबाट संक्रमितको संख्या १ लाख ४७ हजार ९ सय ६९ पुगेको छ । मृतकको संख्या १८ हजार ६ सय ८१ पुगेको छ ।

यस्तै जर्मनीमा पछिल्लो २४ घण्टामा ३ हजार ६ सय ९९ संक्रमित भेटिएसँगै कोरोनाबाट संक्रमितको संख्या १ लाख ४१ हजार ३ सय ९७ पुगेको छ । अहिलेसम्म ४ हजार ३ सय ५२ जनाको मृत्यु भएको छ ।

बेलायतमा शुक्रबार मात्रै ५ हजार ५ सय ९९ संक्रमित थपिएसँगै कोरोना संक्रमितको संख्या १ लाख ८ हजार ६ सय ९२ पुगेको छ । १४ हजार ५ सय ७६ जनाको कोरोनाबाट मृत्यु भएको छ ।