सुनसरीको क्वारेन्टाइनबाट भागे भारतीय युवा, भन्छन्– खान पाइएन

इटहरी– सुनसरीकाे इटहरीस्थित क्वारेन्टाइनबाट राखिएका भारतीय युवा मंगलबार भागेका छन्।

इटहरी–५ स्थित जनता बहुमुखी क्याम्पसको क्वारेन्टाइनमा राखिएका ती युवाले खान नपाएको भन्दै भागेको स्थानीयसँग बताएका छन्।

अर्ध नग्नरूपमा भागेर गाउँ पुगेका उनलाई नेपाली सेनाले समातेको हो।

क्वारेन्टाइनमा उनीसँगै २० जना राखिएको क्याम्पस व्यवस्थापन समिति सदस्य प्रमोद भट्टराईले जानकारी दिए।

स्थानीय सरकारले क्वारेन्टाइनको जिम्मेवारी लिएर व्यवस्थापन गर्न नसक्दा स्थानीय त्रसित र आक्रोशित भएको भट्टराईले बताए।

ती युवाले भिडियोमा पनि क्वारेन्टाइनमा आफूले खान नपाएर भागेका बताएका छन्। उक्त भिडियो क्याम्पस व्यवस्थापन समिति भट्टराईले खिँचेका हुन्। ती युवाको भिडियो भट्टराईले खिँचेका थिए। ती युवा भिडियोमा चाउचाउ खाँदै छन्।  

इटहरीका मेयर द्वारिकालाल चौधरीका प्रेस संयोजक लीलाराज भट्टराईले भने क्वारेन्टाइनमा ‘खान नपाएको’ भन्नु गलत भएको बताए। उनले भने, “क्वारेन्टाइनमा सबै व्यवस्था छ। खान नपाउनु भन्नु भाग्नेको बहाना मात्रै हो।”