दशरथ रंगथशालामा नेपाल र बंगलादेशबीच खेल सुरु

काठमाडौं– त्रिपुरेश्वरस्थित दशरथ रंगशालामा नेपाल र बंगलादेशको राष्ट्रिय महिला टिमबीचको अन्तर्राष्ट्रिय खेल भर्खरै सुरु भएको छ।

यता देशभर हिन्दू महिलाहरूले महान चार्ड तिज मनाइरहेको समयमा एन्फाले आयोजना गरेको अन्तर्राष्ट्रिय प्रतियोगितामा महिला टिमको प्रतिस्पर्धा सुरु भएको हो।

महिला टिमको सहायक प्रशिक्षकको रुपमा छोटो समय काम गर्न पाएकी प्रशिक्षक भगवती थापा यो अवसरलाई महिलाहरूको शक्ति प्रदर्शनको रुपमा लिनुपर्ने बताउँछिन्।

नेपाली टिमको कप्तान रेनुका नगरकोटेले सम्हालेकी छन् भने बंगादेशी टिमको कप्तानी सविता खातुनले सम्हालेकी छन्।

आजको खेलमा सावित्रा नभएको मौका छोपी बंगलादेशी टिम नेपालविरुद्ध जित निकाल्न चाहन्छ। यता नेपाली चार्डमा महिला टिम नेपाली महिलाहरुको खुसीमा थप प्रभाव पार्न बंगलादेशमाथिको जितको लय कायम राख्न चाहन्छ।

साथै पुननिर्माण भएपछि नेपाली टिमले दशरथ रंगशालामा पहिलो पटक खेल्न लागेको हो। 

नेपालको टिमबाट .... खेलाडीले डेब्यू गरेका छन्।

‘दुई वर्षपछि खेल्न जाँदैछौं। टोलीमा धेरै परिवर्तन भएको छ। सागमा धेरै सिनियर खेलाडी थियौं । यो पटक नयाँ खेलाडी आएका छन्। नयाँ खेलाडीले पनि उमेर समूह खेलेकाले त्यस्तो फरक पार्दैन,’ रेनुकाले केही दिनअघि अभ्यासका दौरान भनेकी थिइन्।

२५ वर्षीया बंगलादशी कप्तान सविना खातुन भन्छिन्, ‘सबै खेलाडी उमेर समूहमा सँगै खेल्दैछन्। र, उनीहरुको त्यहाँ बोन्डिङ राम्रो छ। त्यसैले सिनियर टिममा सबैको मैत्रीभाव राम्रो छ। एकले अरुको क्षमता बुझेको टिम छ।’