कोरोनाबाट अमेरिकामा एकैदिन हजारभन्दा बढीको मृत्यु

अमेरिकामा कोरोना भाइरसको संक्रमणबाट एकैदिनमा एक हजारभन्दा बढीको मृत्यु भएको छ।

नेपाल समय | बिहीबार, चैत २०, २०७६

नेपाल समय

बिहीबार, चैत २०, २०७६

कोरोनाबाट अमेरिकामा एकैदिन हजारभन्दा बढीको मृत्यु

अमेरिकामा कोरोना भाइरसको संक्रमणबाट एकैदिनमा एक हजारभन्दा बढीको मृत्यु भएको छ। समाचार संस्था रोयटर्सका अनुसार बुधबार त्यहाँ १ हजार ४७ जनाको मृत्यु भएको छ। योसँगै अमेरिकामा कोरोना भाइरसका कारण ज्यान गुमाउनेको संख्या पाँच हजार एक सय पुगेको छ।

नयाँ संक्रमण पनि हिजो निकै देखिएको छ। एकैदिन २६ हजार ४३६ मा नयाँ संक्रमण पुष्टि भएसँगै अमेरिकामा संक्रमितको संख्या दुई लाख १४ हजार ९६६ पुगेको छ।

अमेरिकामा सबैभन्दा बढी प्रभावित छ न्यूयोर्क। त्यहाँ हिजो एकैदिन पाँच सय पाँच जनाको मृत्यु भयो भने सात हजार ९१८ जनामा नयाँ संक्रमण पुष्टि भएको छ।

विश्वभर अहिलेसम्म कोरोना भाइरसका कारण ४७ हजार १८९ जनाको ज्यान गएको छ भने संक्रमितको संख्या ९ लाख ३५ हजार ११४ पुगेको छ। एक लाख ९३ हजार ९८९ जना भने निको भएर घर फर्किएका छन्।

प्रकाशित: Apr 02, 2020| 06:39 बिहीबार, चैत २०, २०७६