राष्ट्रसंघका ८६ कर्मचारीलाई कोरोना संक्रमण

संयुक्त राष्ट्रसघंका ८६ कर्मचारीमा कोरोना भाइरस (कोभिड–१९)को संक्रमण देखिएको छ।

नेपाल समय | शनिबार, चैत १५, २०७६

नेपाल समय

शनिबार, चैत १५, २०७६

राष्ट्रसंघका ८६ कर्मचारीलाई कोरोना संक्रमण

राष्ट्रसंघका प्रवक्ता स्टेफन डुजारिकका अनुसार संक्रमितमध्ये अधिकांश युरोपेली मुलुकमा खटिएका कर्मचारी छन्। त्यसैगरी अफ्रिका, एसिया महादेशलगायत मध्यपूर्व र अमेरिकामा खटिएका केही कर्मचारी पनि संक्रमित छन्।

बिरामीमध्ये अधिकतरको अवस्था सामान्य रहेको उनले जानकारी दिए। उनीहरूले घरबाटै काम गरिरहेको उनको भनाई छ।

उनका अनुसार राष्ट्रसंघको जेनेभास्थित कार्यालयका हजार कर्मचारीमध्ये बिहीबार झन्डै ७० जनाले कार्यालयमा रहेर काम गरेका थिए।

त्यसैगरी, भियनामा ९७ प्रतिशतभन्दा बढी राष्ट्रसंघका कर्मचारीले अहिले नियमितरूपमा टाढा बसेर काम गरिरहेका छन् भने इथोपियाका ९९ प्रतिशत कर्मचारीले घरमै बसेर काम गर्दैछन्।