कोरोना संक्रमणबाट भारतमा थप एकको मृत्यु

कोरोना भाइरस (कोभिड–१९)को संक्रमणबाट भारतमा थप एकको ज्यान गएको छ।

नेपाल समय | बुधबार, चैत १२, २०७६

नेपाल समय

बुधबार, चैत १२, २०७६

नयाँ दिल्ली– कोरोना भाइरस (कोभिड–१९)को संक्रमणबाट भारतमा थप एकको ज्यान गएको छ।

समाचार एजेन्सी पीटीआईका अनुसार कोरोना संक्रमणबाट तमिलनाडु राज्यस्थित राजु अस्पतालमा ५४ वर्षीय पुरुषको ज्यान गएको हो। स्वास्थ्यमन्त्री सी विजय बास्करले आफ्नो ट्विटर ह्यान्डलबाट ट्विट गर्दै कोरोना संक्रमणबाट ज्यान गुमाउने ती व्यक्ति उच्च रक्तचाप तथा सुगरको बिरामीसमेत रहेको बताएका छन्।

तमिलनाडुमा कोरोना संक्रमणबाट ज्यान गएको यो पहिलो घटना हो। यससँगै भारतमा कोरोना संक्रमणबाट ज्यान गुमाउनेको संख्या ११ पुगेको छ।

वर्ल्डओमिटरडटइन्फोका अनुसार भारतमा पाँच सय ६२ जनामा संक्रमण पुष्टि भइसकेको छ। कर्नानकमा अहिलेसम्म ४१ जनामा संक्रमण पुष्टि भइसकेको भारतीय सञ्चारमाध्यमले जनाएका छन्।

प्रकाशित: Mar 25, 2020| 04:29 बुधबार, चैत १२, २०७६