कर्णालीमा ६० विद्यालय र ३ हजार होटललाई क्वारेन्टाइन बनाउन प्रस्ताव

सुर्खेत- कोरोना भाइरस (कोभिड–१९) को प्रतिकार्य कर्णाली प्रदेशमा निजी विद्यालय र होटलमा क्वारेन्टाइन बनाउन प्रस्ताव गरेका छन्।

प्रदेशमा कोरोनाको महामारी फैलिएमा हुनसक्ने सम्भावित क्षतिलाई न्यूनिकरण गर्ने उद्देश्यले कर्णालीका ६० वटा विद्यालयलाई क्वारेन्टाइन बनाउन प्रस्ताव गरिएको हो।

निजी तथा आवसीय विद्यालय अर्गनाइजेशन (प्याब्सन) कर्णाली प्रदेशले ६० वटा विद्यालयलाई क्वारेन्टाइन बनाउन प्रस्ताव गरेको हो। जसअनुसार प्याब्सनले सुर्खेतका २७, जाजरकोटका ३, सल्यानका ५, दैलेखका २, कालिकोटका ५, जुम्लाका ६, मुगुका २ र रुकुमपश्चिमका १० विद्यालयका एक सय ७० कक्षा कोठा क्वारेन्टाइनका रुपमा प्रयोग गर्न दिने जनाएको छ।

प्याब्सन कर्णाली प्रदेशका अध्यक्ष नैनसिंह खत्रीले भौतिक पूर्वाधार सम्पन्न विद्यालयहरु छनोट गरेर क्वारेन्टाइनका लागि प्रयोग गरिने विद्यालय कक्षा कोठा र सम्पर्क व्यक्तिको नाम र नम्वर प्रदेश सरकारलाई उपलब्ध गराइएको छ।
तीन हजार होटेल क्वारेन्टाइन

यस्तै प्रदेश सरकारलाई आवश्यक परेको खण्डमा कर्णालीका करिव तीन हजार होटललाई क्वारेन्टाइन बनाउन दिने भएका छन्। कर्णालीका होटल व्यवसायीहरुले कोरोनाबाट हुन सक्ने महामारीलाई ध्यानमा राखी सबै होटललाई क्वारेन्टाइन बनाउन दिने जनाएका हुन।

होटल व्यवसायी संघका प्रदेश अध्यक्ष तर्कबहादुर शाहीले दिएको जानकारी अनुसार सुर्खेत लगायत कर्णालीका होटलमा क्यारेन्टाइन जानकारी दिए। सम्पूर्ण होटलहरुले क्वारेन्टाइन बनाउन दिन प्रस्ताव गरेको शाहीको भनाइ छ।