स्पेनमा कोरोनाबाट मृत्यु हुनेको संख्या १७ सय नाघ्यो

काठमाडौं- युरोपेली मुलुक इटालीमा कोरोना भाइरस (कोभिड–१९) को संक्रमण तीब्र रुपमा बढिरहेका बेला स्पेनमा पनि यो दर उस्तै गतिमा बढेको छ।

स्पेनमा शनिबारसम्म १ हजार ३ सय २६ जनाको मृत्यु भएकोमा आइतबार यो संख्या १ हजार ७ सय २० मा पुगेको छ।

विश्वव्यापी महामारीका रुपमा रहेको कोरोनाका आइतबार त्यहाँ ३ हजार भन्दा बढी नयाँ संक्रमित थपिएका छन्। योसँगै स्पेनमा संक्रमितको संख्या २८ हजार पुगेको छ।

इटालीमा मृत्यु हुनेको संख्या ४ हजार ८ सय २५ पुगेको छ।

मृतकको संख्याका हिसाबले तेस्रो नम्बरमा रहेको इरानमा १ हजार ६ सय ८५ पुगेको छ।

संक्रमितको संख्या इटलीमा ५३ हजार ५ सय ७८ रहेको छ। अमेरिकामा २६ हजार ९ सय पुगेको छ।

जर्मनीमा २२ हजार ३ सय ६४ पुगेको छ। त्यस्तै इरानमा २१ हजार ६ सय ३८ पुगेको छ। फ्रान्समा १४ हजार ४ सय ५९ संक्रमित छन् भने ५ सय ६२ जनाको मृत्यु भइसकेको छ।

कोरोना भाइरसको उद्गमस्थल चीनमा मृत्यु र संक्रमणको दर घट्दै गएको छ। त्यहाँ शनिबार थप ४६ जना संक्रमित भेटिएका छन्।

जसमा एकजना मात्रै चिनियाँ नागरिक हुन् भने बाँकी ४५ जना विदेशी नागरिक हुन्। त्यस्तै त्यहाँ शनिबार ६ जनाको मृत्यु भएको छ।
चीनमा ३ हजार २ सय ६१ जनाको मृत्यु भएको छ।

३ हजार संख्या पुगुन्जेल तीब्ररुपमा बढेको मृत्युदर त्यसपछि घटेको हो। त्यहाँ ८१ हजार ५४ जना संक्रमित भएकोमा ७४ हजार ४ सय ४० जना निको भएर घर फर्किइसकेका छन्। त्यस्तै ५ हजार ३ सय ५३ जना उपचारका क्रममा छन्।