द टेलिग्राफले राष्ट्रपति कोविन्दलाई कोभिड भाइरससँग जाेडेपछि ...

भारतको पुरानो अखबार टेलिग्राफले राष्ट्रपति रामनाथ कोविन्दलाई ‘कोभिड’ लेखेपछि हंगामा भएको छ। अंग्रेजीमा कोविन्द लेख्दा एन छुटेर कोभिड भएपछि त्यसको विरोध भएको हो।

नेपाल समय | बिहीबार, चैत ६, २०७६

नेपाल समय

बिहीबार, चैत ६, २०७६

राष्ट्रपतिलाई कोभिड–१९ भाइरससँग जोडेको भन्दै पटनास्थित अखबारको कार्यालय अगाडि युवाहरुले विरोध प्रदर्शन गरेका छन्।

पटना युनिभर्सिटीका सहप्राध्यापक गुरु प्रकाशले यसलाई समग्र दलितको अपमान भनेका छन्। ‘हामी यो अपमान सहन्नौं। राष्ट्रपति रामनाथ कोविन्दलाई कोभिड भाइरससँग जोडेर टेलिग्राफले दलित र पिछडिएका वर्गको साथमा भद्दा मजाक गरेको छ,’ उनले भने।

यसको विरोधमा सडकदेखि संसदसम्म आवाज उठाउने उनले बताए। अखबारले माफी नमागेसम्म आफूहरु लडिरहने उनको भनाइ छ।

ट टेलिग्राफको मार्च १७ मा ‘कोभिड हैन कोविन्द’ शीर्षकमा मुख्य समाचार प्रकाशित भएको थियो।