कोरोना संक्रमण ११८ मुलुकमा, चार हजार ६०७ को मृत्यु

काठमाडौं– चीनको वुहानमा डिसेम्बर तेस्रो साता देखिएको कोरोना भाइरस (कोभिड–१९) बिहीबारसम्म ११८ देशमा फैलिएको छ।
विश्व स्वास्थ्य संगठन (डब्ल्यूएचओ) का अनुसार संक्रमणबाट चार हजार ६०७ जनाको मृत्यु भएको छ।

विश्वभर एक लाख २४ हजार ५१९ जना संक्रमति भएका छन् । संक्रमितको सबैभन्दा बढी संख्या चीनमा ८० हजार ९८० छ।

इटालीमा १२ हजार ४६२ जना, इरानामा नौ हजार र दक्षिण कोरियामा सात हजार ८६९ जना संक्रमित भएका छन्।

फ्रान्समा दुई हजार २६९, स्पेन दुई हजार १४०, जर्मनी एक हजार ५६७ र अमेरिकामा ९८७ जनामा संक्रमण देखिएको विश्व स्वास्थ्य संगठनले जनाएको छ ।

भारतमा हालसम्म ७३ जनामा संक्रमण देखिएको छ। त्यसमध्ये उत्तरप्रदेशको राजधानी लखनउमा पनि एक जना संक्रमित भेटिएका छन्।
कोरोना संक्रमण कम गर्न भारतले १५ अप्रिलसम्म भिसा प्रक्रिया बन्द गरेको छ।

अमेरिकाले युरोपबाट हुने सम्पूर्ण हवाई उडान एक महिनाका लागि बन्द गर्ने निर्णय गरेको छ ।

चीनको सिनजियाङ राज्यमा भने हालसम्म एक जनामा पनि संक्रमण देखिएको छैन।

पछिल्ला दिनमा चीनमा कोरोना संक्रमणको दर निकै कम भएको छ।