निगमको कतार उडान स्थगित

नेपाल वायुसेवा निगमले कतारको दोहामा गर्दै आएको नियमित उडान हाललाई स्थगित गरेको छ।

नेपाल समय | मंगलबार, फागुन २७, २०७६

नेपाल समय

मंगलबार, फागुन २७, २०७६

काठमाडौं - नेपाल वायुसेवा निगमले कतारको दोहामा गर्दै आएको नियमित उडान हाललाई स्थगित गरेको छ।

कोरोना भाइरसको संक्रमण जोखिमलाई न्यूनिकरण गर्न विभिन्न १४ मुलुकका नागरिकलाई कतारमा प्रवेश गर्न अस्थायी प्रतिवन्ध लगाएको र ती १४ देशमध्ये नेपाल पनि एक भएकाले नेपालीहरु पनि हाललाई कतार प्रवेश गर्न नपाउने भएकाले दोहाको नियमित उडान हाललाई फागुन २७ बाट अर्को निर्णय नभएसम्म स्थगित गरिएको निगमले जानकारी दिएको छ।

फागुन २६ गते र सो भन्दा पछिका उडानका टिकट खरीद गरेका यात्रुहरुलाई टिकट फिर्ता गर्दा भुक्तानी गरेको रकम पुरै उपलब्ध गराइने पनि निगमले जनाएको छ। यस्तै टिकटको उडानको मिति २ पटकसम्म परिवर्तन गर्न शुल्क नलाग्ने व्यवस्था गरिएको छ। नेपाल वायुसेवा निगमले हालसम्म दोहाका लागि सातामा सातै दिन उडान गर्दै आएको थियो।

प्रकाशित: Mar 10, 2020| 08:55 मंगलबार, फागुन २७, २०७६