अस्ट्रेलियामा पनि लियो कोरोनाले ज्यान, स्थानीय त्रसित

काठमाडौं- अमेरिकापछि अस्ट्रेलियामा पनि कोरोना भाइरसको सङ्क्रमणबाट एक जनाको मृत्यु भएको छ ।

अष्ट्रेलियामा कोरोनाका कारण मान्छेको मृत्यु भएको यो पहिलो घटना हो । जापानमा रहेको क्वारेन्टाइनबाट उद्धार गरिएका ७८ वर्षीय पुरुषको उपचारको क्रममा आइतबार बिहान मृत्यु भएको अस्ट्रेलिया सरकारले पुष्टि गरेको छ ।

कोरोनाबाट ज्यान गुमाएका ती पुरुषको परिचय भने खुलइएको छैन । ती पुरुषलाई पत्नीसहित डार्विन क्वारेन्टाइन क्याम्पबाट अस्पताल लगिएको थियो ।

पर्थमा रहेको सर चार्लेस गेर्डनर अस्पतालमा उपचार भइराखेको थियो । उनीसँगै उनकी पत्नीमा पनि कोरोनाको सङ्क्रमण देखिएको छ ।
अष्ट्रेलियमा पनि कोरोनाको संक्रमण फैलिन सुरु गरेको छ । कोरोनका कारण मानिसको मृत्यु भएपछि अष्ट्रेलियमा त्रास फैलिएको अन्तर्राष्ट्रिय सञ्चार माध्यमले उल्लेख गरेका छन् ।

अहिलेसम्म कोरोना ५७ देशमा फैलिएको छ भने करिब ३ हजारको मृत्यु भएको छ । कोरोनाबाट करिब ८० हजारभन्दा बढि संक्रमित भएको विश्व स्वास्थय संगठनले जनाएको छ ।