सुनको मूल्य पाँच सय घट्यो

सातायता उतारचढाव देखिएको सुनको मूल्य आज (शुक्रबार) पाँच सय रूपैयाँ घटेको छ।

नेपाल समय | शुक्रबार, फागुन १६, २०७६

नेपाल समय

शुक्रबार, फागुन १६, २०७६

काठमाडौं– सातायता उतारचढाव देखिएको सुनको मूल्य आज (शुक्रबार) पाँच सय रूपैयाँ घटेको छ।

नेपाल सुनचाँदी व्यवसायी संघका अनुसार आज छापावाल सुन प्रतितोला ७९ हजार दुई सय रूपैयाँमा कारोवार भइरहेको छ। बिहीबार यसको मूल्य ७९ हजार सात सय रूपैयाँ कायम थियो।

गत शुक्रबार (फागुन ८) प्रतितोला ७७ हजार ६ सय रूपैयाँमा कारोबार भएयता लगातार बढेको छापावाल सुनको मूल्य तीन दिनपछि (फागुन १२) सर्वाधिक ८० हजार तीन सय रूपैयाँ कायम भएको थियो।

त्यसयता घटेको सुनको मूल्य गत बुधबार ७९ हजार पाँच सय रूपैयाँ कायम भएकोमा गत बिहीबार दुई सय बढेर ७९ हजार सात सय रूपैयाँमा कारोबार भएको थियो।

तेजावी सुन प्रतितोला ७८ हजार ९ सयमा किनबेच भइरहेको महासंघले जनाएको छ। महासंघका अनुसार बिहीबार यसको मूल्य ७९ हजार चार सय रूपैयाँ कायम थियो।

प्रकाशित: Feb 28, 2020| 11:37 शुक्रबार, फागुन १६, २०७६