ट्रम्प दिल्लीमै रहेका बेला भएकाे प्रदर्शनमा प्रहरीसहित ५ को मृत्यु

अमेरिकी राष्ट्रपति डोनाल्ड ट्रम्प भारत भ्रमणमा रहेका बेला राजधानी दिल्लीमा भएको प्रदर्शनमा एक प्रहरीसहित चार जनाको मृत्यु भएको छ ।

नेपाल समय | मंगलबार, फागुन १३, २०७६

नेपाल समय

मंगलबार, फागुन १३, २०७६

ट्रम्प दिल्लीमै रहेका बेला भएकाे प्रदर्शनमा प्रहरीसहित ५ को मृत्यु

काठमाडौं- अमेरिकी राष्ट्रपति डोनाल्ड ट्रम्प भारत भ्रमणमा रहेका बेला राजधानी दिल्लीमा भएको प्रदर्शनमा एक प्रहरीसहित पाँचजनाको मृत्यु भएको छ ।

विवादास्पद नागरिकतासम्बन्धी नयाँ कानुनको विरोधमा भएको प्रदर्शनका क्रममा तीनजना प्रदर्शनकारी र एक प्रहरीको मृत्यु भएको हो ।

नयाँ कानुनको समर्थक र विरोधीहरुबीच भएको झडपमा कैयौ घाइते भएको भारतीय सञ्चार माध्यमले जनाएका छन् ।

ट्रम्प भारत भ्रमणमा रहेकै बेला भएको यो घटनालाई अन्तर्राष्ट्रिय सञ्चारमाध्यमले प्राथमिकता दिएका छन् । उत्तर पूर्वी दिल्लीको मुसलमान बाहुल्य रहेका स्थानमा गत वर्षबाट आन्दोलन सुरु भएको थियाे ।

नवनिर्वाचित दिल्लीका मुख्यमन्त्री अरविन्द केजरीवालले नागरिकहरुबीचको हिंसाले मुलुकलाई जटिलतातर्फ धकेल्ने भन्दै तत्काल समस्या समाधान गर्न संघीय सरकारको ध्यानाकर्षणसमेत गराएका छन् ।