आज वर्षा र हिमपात हुने

आज दिउँसो देशका हिमाली तथा उच्च पहाडी क्षेत्रमा हिमपात र पहाडी भू–भागका केही स्थानमा मेघ गर्जनसहित वर्षाको सम्भावना रहेको मौसम पूर्वानुमान महाशाखाले जनाएको छ।

नेपाल समय | सोमबार, फागुन १२, २०७६

नेपाल समय

सोमबार, फागुन १२, २०७६

काठमाडौं– आज दिउँसो देशका हिमाली तथा उच्च पहाडी क्षेत्रमा हिमपात र पहाडी भू–भागका केही स्थानमा मेघ गर्जनसहित वर्षाको सम्भावना रहेको मौसम पूर्वानुमान महाशाखाले जनाएको छ।

महाशाखाले आफ्नो वेबसाइटमा आज जारी गरेको मौसम बुलेटिनमा यस्तो प्रक्षेपण गरिएको हो।

यस्तै, आज राति देशको मध्य तथा पूर्वी भू–भागमा आंशिकदेखि सामान्य बदली रही पश्चिमी भू–भागमा आंशिक बदली रहने बुलेटिनमा उल्लेख छ।

पश्चिमी न्यून चापीय प्रणालीको प्रभावका कारण वर्षा र हिमपात हुने सम्भावना देखिएको महाशाखाले जनाएको छ।

महाशाखाले हिमपात र वर्षाको सम्भावना भएकाले सर्वसाधारणलाई सर्तक रहन आग्रहसमेत गरेकाे छ।

प्रकाशित: Feb 24, 2020| 08:53 सोमबार, फागुन १२, २०७६