अस्पताल दर्ता गर्न ४५ दिनको समयसीमा

बागमती प्रदेश सरकारले २०० शैय्यासम्मका अस्पताल ४५ दिनभित्र दर्ता गर्न सूचना जारी गरेको छ । प्र

नेपाल समय | मंगलबार, फागुन ६, २०७६

नेपाल समय

मंगलबार, फागुन ६, २०७६

काठमाडौं– बागमती प्रदेश सरकारले २०० शैय्यासम्मका अस्पताल ४५ दिनभित्र दर्ता गर्न सूचना जारी गरेको छ । प्रदेशको सामाजिक विकास मन्त्रालयले आज जारी गरेको सूचनामा प्रदेश स्वास्थ्य सेवा ऐन २०७५ को दफा १३ को उपदफा १ बमोजिम अस्पताल दर्ता गर्न भनिएको छ।

आफ्नो क्षेत्रभित्र रहेका अस्पतालहरुलाई प्रदेश स्वास्थ्य नियमावली २०७६ को नियम ५ को उपनियम १ बमोजिम २०० शैय्यासम्मका निजी, सामुदायिक, गैरसरकारी अस्पतालहरुलाई ४५ दिनभित्र दर्ता गर्न निर्देशन दिइएको हो ।दर्ता नगरी सञ्चालन गरिएका अस्पताललाई नियमन गर्ने मन्त्रालयले जनाएको छ।

यस्तै बी, सी र डी वर्गका प्रयोगशालाको अनुमतिका लागि जिल्लास्थित स्वास्थ्य कार्यालय र आयुर्वेद तथा वैकल्पिक चिकित्सा सेवा प्रदान गर्ने संस्थाले अञ्चल जिल्ला आयुर्वेद स्वास्थ्य केन्द्रमा दर्ता गर्न निर्देशन दिइएको छ।

प्रकाशित: Feb 18, 2020| 14:58 मंगलबार, फागुन ६, २०७६