काठमाडौं– नेपाली राष्ट्रिय टिमका पूर्व मुख्य प्रशिक्षक बालगोपाल महर्जन उमेर समूह यू–२३ को मुख्य प्रशिक्षकमा नियुक्त भएका छन्। अखिल नेपाल फुटबल संघ एन्फाले आज सोमबार सूचना जारी गर्दै प्रशिक्षक महर्जनलाई यू–२३ को मुख्य प्रशिक्षकको जिम्मेवारी दिइएको जनाएको छ।
अब उनको प्रशिक्षणमा नेपाली यू–२३ टिमले आउँदो एसियन कप छनोट खेल्नेछ। मुख्य प्रशिक्षक महर्जनसँगै रोजित केसी सहायक प्रशिक्षकमा नियुक्त भएका छन् भने ललित चन्द गोलकिपर प्रशिक्षकमा नियुक्त भएका छन्।
अहिले यू २३ मा नेपाली टिम इरान, लेबनान र ताजकिस्तान रहेको समूह बीमा परेको छ। अब नेपालले अक्टोबर २५ मा इरानसँग पहिलो खेल खेल्नेछ भने दोस्रो खेल ताजकिस्तानमा अक्टोबर २८ मा खेल्नेछ।
नेपालको अन्तिम खेल भने लेबनानसँग अक्टोबर ३१ मा हुनेछ। सबै खेल ताजकिस्तानको राजधानी डुसनाबेमा हुनेछन्।