कोरोना भाइरसबाट एकै दिन १०८ को मृत्यु, डब्लूएचओको टोली चीनमा

बेइजिङ– चीनको हुपेई प्रान्तमा फैलिएको कोरोना भाइरस संक्रमणबाट १०१६ जनाको ज्यान गएको छ।

यीमध्ये १०१४ चीनका छन् भने बाँकी एक जना फिलिपिन्स र एक जना हङकङका छन्।

चीनको वुहानमा सोमबार एकै दिन १०८ जनाको निधन भएको छ। एकै दिनमा मृत्यु हुनेकाे स‌ंख्या याे अहिलेसम्मकै धेरै हाे ।

विश्वभर ४२ हजार ६३८ जनालाई कोरोना भाइरस संक्रमण भएको छ।

चीनमा मात्र ४ हजार संक्रमितको सफल उपचार गरिएको चीनको राष्ट्रिय स्वास्थ्य आयोगलाई उधृत गर्दै अन्तर्राष्ट्रिय सञ्चारमाध्यमले जनाएका छन्।

यसैबीच महामारी नियन्त्रणमा मद्दत गर्न विश्व स्वास्थ्य संगठन (डब्लूएचओ) को टोली सोमबार चीन पुगेको छ।

संगठनका महानिर्देशक टेड्रोस एडनोम घेब्रेयससले भने, ‘भाइरस संक्रमणको उपचारमा एक ठूलो अन्तर्राष्ट्रिय टोली चाँडोभन्दा चाँडो परिचालन हुनेछ ।’ काेराेना भाइरसबाट मर्नेकाे स‌ंख्या प्रतिदिन बढ्दाे छ।

कुन दिन कतिकाे मृत्यु

स्राेत : राष्ट्रिय स्वास्थ्य आयाेग चीन