पुलिस रिपोर्ट बनाउन जाँदा डीएसपीबाटै यौन दुर्व्यवहार, पीडितले दिइन् किटानी जाहेरी

काठमाडौं– नेपाल प्रहरीका पूर्व प्रहरी नायव उपरीक्षक (डीएसपी) राजकुमार खिउजुविरुद्ध जबरजस्ती करणीमा किटानी जाहेरी दर्ता भएको छ। ललितपुर महांकालकी २१ वर्षीया युवतीले खिउजुविरुद्ध ललितपुर प्रहरी परिसर, जावलाखेलमा बुधबार दिएको किटानी जाहेरी बिहीबार दर्ता भएको हो।

ललितपुर प्रहरी प्रमुख प्रहरी वरीष्ठ उपरीक्षक टेकप्रसाद राईले खिउजुविरुद्ध परेको जाहेरी दर्ता भएको जानकारी दिए। पीडित युवती बुधबार साँझ प्रहरीमा पुगेकी थिइन्। उनले किटानी जोहरी दिएलगत्तै प्रहरीले पाटन अस्पताल लगेर स्वास्थ्य परीक्षण गराएको थियो।

प्रहरी रिपोर्ट बनाउन गएको मंसिर ३० गते महानगरीय प्रहरी वृत्त, चापागाउँ जाँदा सहयोग गर्ने बहानामा खिउजुले एक्लै बनाएर कार्यकक्षमै जबरजस्ती गरेको पीडित युवतीले दाबी गरेकी छिन्।

उक्त गलत क्रियाकलापको तस्बिरसमेत खिचेर आफूलाई ‘ब्ल्याकमेल’ गरेको पीडितको भनाइ छ। त्यसपछि पनि पटक–पटक खिउजुले शारीरिक शोषण गरेको उनको दाबी छ।

खिउजुले हालैमात्र स्वेच्छिक अवकास लिएका छन्।