आईसीसी विश्वकप लिग–टू : नेपालको ५ विकेट गयो

काठमाडौंमा- जारी आइसीसी विश्वकप क्रिकेट लिग–टू अन्तर्गत त्रिकोणात्मक क्रिकेट श्रृंखलाको ओमानविरुद्धको पहिलो खेलमा नेपालले पाचौँ विकेट पनि गुमाएको छ।

१९८ रनको सामान्य चुनौति पछ्याउँदै ब्याटिङ थालेको नेपालले पाँच विकेट गुमाएको हो।

नेपालका उपकप्तान दीपेन्द्रसिंह ऐरी ३६ रन बनाएर आउट भएका थिए। उनी आउट भएलगतै मैदान पसेका आरिफ शेख २३.१ ओभरमा आउट भए। आरिफपछि मैदान पसेका रोहितकुमार पौडेल पनि पहिलो बलमै पेभिलियन फकिए।

दिपेन्द्रलाई २०.३ ओभरमा मोहम्मद नदिमले एल्बिडब्लु धराबमा आउट गरे भने ऐरी र रोहितलाई जिसम मक्सुदले आउट गराएका थिए।

५७ बलको सामना गरेका दीपेन्द्रले ५ चौका र १ छक्का प्रहार गरे। आरिफ शेखले १० बलमा ६ रन बनाउन भ्याए भने रोहितले एक रन पनि बनाउन सकेनन्।

यसअघि नेपालका ओपनर कप्तान ज्ञानेन्द्र मल्ल १ र पारस खड्का ३ रनमा आउट भएका थिए। नेपालका लागि दीपेन्द्र र शरद भेषावकरले ६२ रनको साझेदारी गर्दै उकासेका थिए।

अहिले नेपालको २५ ओभरको समाप्तिमा ५ विकेटको क्षतिमा ७८ रन भएको छ।

यसअघि त्रिवि क्रिकेट मैदानमा टस हारेर पहिले ब्याटिङ गरेको ओमानले निर्धारित ५० ओभरमा ९ विकेटको क्षतिमा १९७ रन बनाएपछि नेपालले सामान्य चुनौती पाएको हो।