पर्यटन क्षेत्र सुधारका लागि विश्व शान्ति पूजा, प्रमुख अतिथि प्रचण्ड

काठमाडौं– नेपाली पर्यटन क्षेत्रको सुधारका लागि विश्व शान्ति पूजा गरिएको छ। नेपाल पर्वतारोहण संघको आयोजना र नेपाल पर्यटन बोर्ड तथा नेपाल भ्रमण वर्ष सचिवालयको सहयोगमा पोखरामा तीन दिनसम्म पूजा भएको हो।

सोमबारबाट सुरु भएको पूजाको उद्घाटन प्रदेश ५ का मुख्यमन्त्री शंकर पोखरेलले गरेका थिए भने विहीबार समापन कार्यक्रमको प्रमुख अतिथि नेकपा अध्यक्ष पुष्पकमल दाहाल ‘प्रचण्ड’ रहे।

संघका अध्यक्ष शन्तविर लामाले चिनियाँ समाचार संस्था सिन्ह्वालाई दिएको जानकारीअनुसार विश्वमा विभिन्न समस्या आएपरेकोले विश्व शान्ति पूजाको आयोजना गरिएको हो। उनले पर्वतारोहणका क्रममा मृत्यु भएकाहरुको आत्माको चीर शान्तिका लागि पनि पुजा आयोजना गरिएको बताए।

केही साताअघि पर्वतारोहणका क्रममा केही विदेशी पर्यटकहरुको मृत्यु भएको थियो।

यसैबीच, पर्वतारोहण संघले आयोजना गरेको उक्त पुजाका लागि लुम्बिनीको शान्तिदिप पनि पोखरा लगिएको छ।