सुजितको गोलमा जावलाखेल विजयी

शहीद स्मारक ए डिभिजन लिग अन्तर्गत आजको पहिलो खेलमा जावलाखेल युथ क्लब विजयी भएको छ। सातदोबाटोस्थित एन्फा कम्प्लेक्समा सम्पन्न खेलमा जावलाखेलले ब्रिगेड ब्वाइज क्लबलाई १-० ले हराएको हो।

नेपाल समय | सोमबार, माघ २०, २०७६

नेपाल समय

सोमबार, माघ २०, २०७६

काठमाडौं - शहीद स्मारक ए डिभिजन लिग अन्तर्गत आजको पहिलो खेलमा जावलाखेल युथ क्लब विजयी भएको छ। सातदोबाटोस्थित एन्फा कम्प्लेक्समा सम्पन्न खेलमा जावलाखेलले ब्रिगेड ब्वाइज क्लबलाई १-० ले हराएको हो।

खेलको ३२ औं मिनेटमा जावलाखेलका सुजित बुढाथोकीले गोल गर्दै टोलीलाई अग्रता दिलाए। उनको फितलो प्रहारलाई पनि गोलरक्षक विशाल सुनारले रोक्न नसकेपछि बिबिसी पहिलो हाफमै एक गोलले पछि पर्‍यो। दोस्रो हाफमा दुबै टोलीले गोल गर्न नसकेपछि पहिलो हाफको नतिजा नै अन्तिम बन्यो।

जितसँगै जावलाखेलले अंक तालिकामा दुई स्थान सुधार गरेको छ। उसले लिगमा चौथो जित निकाल्दै तीन बराबरीका साथ १५ अंक बनाएको छ। जावलाखेल हाल छैटौं स्थानमा छ।
त्यस्तै, बिबिसी ८ अंकका साथ ११औं स्थानमा छ।

प्रकाशित: Feb 03, 2020| 14:47 सोमबार, माघ २०, २०७६