जाडो अब केही दिन मात्रै रहने, यस्तो हुनेछ तीन दिनको मौसम

काठमाडौं- पश्चिमी वायुको प्रभाव हटेसँगै देशका अधिकांश भूभगको मौसम सफा देखिएको छ। आइतबार र सोमबाको मौसममा कुनै परिवर्तन नदेखिएको मौसम पूर्वानुमान महाशाखाले जनाएको छ।

आइतबार मध्य र पूर्वको पहाडी क्षेत्रको मौसम आंशिक बदली भए पनि अन्य ठाउँको मौसम सामान्यतया सफा हने महाशाखाले जारी गरेको बुलेटिनमा उल्लेख छ।

नेपालमा अहिले पानी पार्ने प्रणाली सक्रिय नरहेकाले आइतबार र सोमबार पहाडी क्षेत्रको मौसम एकैछिन बदली हुँदै घाम लागे पनि अन्य ठाउँको मौसम सफा हुने मौसमविद्हरुले बताए।

मौसमविद् वरुण पौडेलका अनुसार अब बिस्तारै गर्मी चढ्नेछ। १०/१५ दिनमा काठमाडौंको अधिकतम तापक्रम २५ डिग्रीसम्म पुग्न सक्ने उनले बताए।

बिहान बेलुका कठ्याँग्रिने चिसो कायम रहेपनि दिउँसो भने घाम लाग्ने अनुमान माैसमविद्काे छ।

 बादल र पानी पार्ने प्रणाली अझै बाँकी भएकाले केही दिन फेरि जाडो हुनसक्ने र उक्त समयपछि गर्मी ह्वात्तै बढ्ने मौसमविद् पौडेलले बताए।

यस्तो हुनेछ तीन दिनको मौसम

माघ १९ गते (आइतबार)

दिउँसो : पूर्वी तथा मध्य पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ।

राति : देशभर मौसम सामान्यतया सफा रहनेछ।

माघ २० गते (सोमबार)

दिउँसो : पूर्वी तथा मध्य नेपालका भू-भागमा आंशिक बदली रही बाँकी भूभागमा मौसम सामान्यतया सफा रहनेछ।

राति : देशभर मौसम सामान्यतया सफा रहनेछ।

माघ २१ गते (मंगलबार)

दिउँसो : देशभर आंशिक बदली रहनेछ। देशको पहाडी भू-भागका एक वा दुई स्थानहरूमा हल्का पानी पर्ने सम्भावना छ।

राति : देशको पश्चिमी भूभागमा सामान्य बदली र बाँकी भू-भागमा आंशिक बदली रहनेछ। देशको पश्चिमी पहाडी भू-भागका थोरै स्थानमा हल्का वर्षा हुने सम्भावना छ।

पश्चिमी उच्च पहाडी तथा हिमाली भू-भागका थोरै स्थानहरुमा हल्का हिमपात हुने सम्भावना छ ।