चीनमा रहेका विद्यार्थीको उद्धार गर्न कांग्रेसको माग
काठमाडौं- नेपाली कांग्रेसले चीनमा रहेका नेपाली विद्यार्थीहरुको उद्धार गर्न माग गरेको छ।
सभापति शेरबहादुर देउवाले विज्ञप्ति जारी गर्दै कोरोना भाइरस प्रभावित क्षेत्रमा रहेका नेपाली विद्यार्थीहरुलाई नेपाल ल्याउने प्रबन्ध मिलाउन सरकारसँग माग गरेका छन्।
सभापति देउवाद्वारा जारी विज्ञप्तिमा भनिएको छ,‘कयौँ देशले चीनको वुहान शहरबाट आफ्ना नागरिकलाई स्वदेश फर्काइसकेको विवरण आएका छन्। तर, त्यहाँ रहेका करिब एकसय नेपाली विद्यार्थीसँगै अन्य नेपालीलाई स्वदेश फर्काउन सरकारले कुनै गम्भीरता नदेखाउनु दुःखद र आपत्तिजनक छ। कोरोना भाइरसको संक्रमणबाट जोगाउँदै वुहानका नेपालीलाई यथाशीघ्र नेपाल ल्याउने प्रबन्ध मिलाउन म सरकारलाई अनुरोध गर्दछु।’
कोरोना भाइरस प्रवेश हुन नदिन विशेष हेल्थ डेस्क सञ्चालनका लागि पनि कांग्रेसले माग गरेको छ।
देउवाले कोरोनाबाट ज्यान गुमाउनेहरुप्रति सम्बेदनासमेत प्रकट गरेको छन्।
नुवाकोटमा सिन्दुरे जात्राको रौनक
समाजसेवाका 'अनुराधा'हरू
ट्राफिक नियम उल्लंघन गर्ने १६ स्कुल बसका चालक कारबाहीमा
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com