कोरोना भाइरसको संक्रमण रोक्न डब्लुएचओले बोलायो आपतकालीन बैठक

चीन हुँदै विश्वभर फैलिएको कोरोना भाइरसको संक्रमण रोकथाम गर्न विश्व स्वास्थ्य संगठन (डब्लुएचओ)ले आपतकालीन बैठक बोलाएको छ।

नेपाल समय | बिहीबार, माघ १६, २०७६

नेपाल समय

बिहीबार, माघ १६, २०७६

कोरोना भाइरसको संक्रमण रोक्न डब्लुएचओले बोलायो आपतकालीन बैठक

काठमाडौं– चीन हुँदै विश्वभर फैलिएको कोरोना भाइरसको संक्रमण रोकथाम गर्न विश्व स्वास्थ्य संगठन (डब्लुएचओ)ले आपतकालीन बैठक बोलाएको छ।

बैठक स्विजरल्यान्डको जेनेभास्थित डब्लुएचओको हेडक्वाटरमा बस्ने कार्यक्रम तय गरिएको छ।

बैठक बस्नुअघि अन्तर्राष्ट्रिय आपतकालीन स्वास्थ्य समिति गठन गरिएको छ।

बैठकमा डब्लुएचओका महानिर्देशक डा. टेड्रोस अडानोमले अन्तर्राष्ट्रिय स्वास्थ्य नियमन (आइएचआर) २००५ अनुसार समितिलाई स्विकृति र कोरोना भाइरस संक्रमणको रोकथाम र नियन्त्रणका विषयमा आवश्यक सल्लाह सुझाव दिने बताइएको छ।

कोरोना भाइरसको संक्रमण चीनसहित १८ देशमा देखिएको छ। चीनमा भने कोरोना भाइरस संक्रमणले महामारीको रूप लिएको छ। अन्तर्राष्ट्रिय समाचार माध्यमका अनुसार चीनमा कोरोना भाइरस संक्रमणका कारण १ सय ३२ जनाको मृत्यु भइसकेको छ।