‘ए’ डिभिजन लिगमा पुलिसको चौथो जित, अंकतालिकामा पाँचौं स्थानमा उक्लियो

काठमाडौं– जारी सहिद स्मारक ‘ए’ डिभिजन लिगअन्तर्गतमा नेपाल पुलिसले चौथो जित दर्ता गरेको छ।

राजधानीको त्रिपुरेश्वरस्थित दशरथ रंगशालामा आइतबार भएको खेलमा पुलिसले एपीएफ क्लबलाई १–० ले पराजित ग¥यो।

खेलको १३ औं मिनेटमा पुलिसका भोला सिलवालले गरेको गोल नै निर्णायक बन्यो।

जितसँगै नेपाल पुलिसले १४ अंकका साथ अंकतालिकाको पाँचौ स्थानमा उक्लिएको छ। उसले लिगमा चार जित र दुई बराबरी खेलेको छ। 

यसअघि नेपाल पुलिस ११ अंकसहित आठौं स्थानमा थियाे।

खेल सकिएपछि एपीएफका डिफेन्डरलाई रेडकार्ड

खेल सकिएपछि एपीएफका डिफेन्डर सुदीप शिखर्करले रातो कार्ड पाएका छन्।

अनुशासनको पालना नगरेका कारण डिफेन्डर सुदीपले रातो कार्ड पाए। पुलिसले अग्रता बनाएलगत्तै एपीएफका प्रदीप लामाले अभद्र व्यवहार गरेका कारण पहेँलो कार्ड पाए।

नेपाल पुलिस क्लबका सौजन राई, सन्तोष हेपरुम र नीरकुमार राईले पनि पहेँलो कार्ड पाए।