भारतको दोस्रो जित, न्युजिल्याण्ड ७ विकेटले पराजित

अकल्याण्ड- न्युजिल्याण्ड भिजिटमा रहेको भारतीय टोलीले घरेलु टोलीविरुद्ध जित निकालेको छ। टी–२० अन्तर्राष्ट्रिय क्रिकेटमा भारतले न्युजिल्याण्डलाई ७ विकेटले हराएको हो।

भारतले पाएको १ सय ३३ रनको सामान्य लक्ष्यलाई १७ ओभर ३ बलमै ३ विकेट गुमाएर पुरा गर्यो।

जितका लागि भारतीय ओपनर केएल राहुलले अर्धसतकीय इनिङ खेले। उनले ५० बलमा अवितिज ५७ रन प्रहार गरे।

त्यस्तै, कप्तान विराट कोहलीले ११ रन ल्याउँदा श्रेयश आयरले ४४ रनको योगदान दिए।

न्युजिल्याण्डका तर्फबाट टिम साउथीले कोहली र ८ रन ल्याएका रोहित शर्मालाई पेभिलियन फर्काएका थिए। इस सोधीले भारतको एक विकेट लिए।

पहिले ब्याटिङमा आएको न्युजिल्याण्डका तर्फबाट मार्टिन गुप्तिलले ३३, कोलिन मुन्द्रोले २६, केएस विलियम्सलनले १४ रनको योगदान दिए।

त्यस्तै रोस टेलरले १८ र टिम सेफर्टले ३३ रनको योगदान दिए।

न्युजिल्याण्डलाई १३२ रनमा सिमित गर्न भारतका रविन्द्र जडेजाले दुई र सार्दुल ठाकुर, जस्प्रित बुमराह, शिवम दुवेले समान एकरएक विकेट लिए
यो जितसँगै भारतले दुई खेल जितेको छ।