त्रिभुवन आर्मी र एनआरटीको बराबरी

काठमाडौं– सहिद स्मारक ‘ए’ डिभिजन लिगमा विभागीय टोली त्रिभुवन आर्मी क्लब र न्युरोड टिम (एनआरटी)ले बराबरी खेलका छन्।

शनिबार सम्पन्न पहिलो खेलमा शीर्ष स्थानको आर्मी र एनआरटीले गोलरहित बराबरी खेलेका हुन्।

बराबरीसँगै त्रिभु्वन आर्मीेले दोस्रो स्थानको मछिन्द्र र तेस्रो स्थानको मनाङ मस्र्याङ्दीसँग १ अंकको दूरी बढाएको छ। त्रिभुवन आर्मीको १७ अंक छ भने मछिन्द्र र मनाङ मस्र्याङ्दीको समान १६ अंक छ।

एनआरटी भने बराबरीपछि अंकतालिकामा एक स्थान सुधार गर्दै पाँचौं स्थानमा उक्लिएको छ। एनआरटीको १२ अंक छ।

अन्तिम समयमा ‘कार्ड वर्षा’

खेलको अन्तिम समयमा एनआटीका खेलाडीमाथि ‘कार्ड वर्षा’ भएको छ।

खेलको ८८ औं मिनेटमा अन्गुने निकेन्गुएले पाए। त्यसको दुई मिनेट बित्न नपाउँदै अजित प्रजापतिलाई रेफ्रीले पहेंलो कार्ड देखाए।

थपिएको समयमा दुई मिनेटमा रेफ्रीले निकेन्गुएलाई रातो कार्ड देखाएपछि एनआरटी १० खेलाडीमा सीमित भएको थियो। त्यसपछि थपिएको समयको आठ मिनेटमा एनआरटीका सकल रेग्मीले पहेंलो कार्ड पाए।