मनमोहन मेमोरियल स्मृति कपः प्रदेश ३ लाई २१७ रनको लक्ष्य

काठमाडौं। इनरुवामा मनमोहन मेमोरियल स्मृती कपको सेमीफाइन खेल चलिरहेको छ । आज (बुधबार) बाट सुरु भएको पहिलो सेमीफाइनलको पहिलो हाफ सकिँदा त्रिभुवन आर्मी क्बले ४६ दशमलव ३ ओभरमा पूरै विकेट गुमाएर २१६ रन बनायो । टस जितेर ब्याटिङ रोज्दै सुरु भएको खेलमा आर्मीले प्रदेश ३ समक्ष २१७ रनको लक्ष्य प्रस्तुत गरेको हो ।

आर्मीका लागि सर्वाधिक रन अनिल मण्डलले बनाएका छन् । उनले ७४ बलमा ३ चौकासँगै ४३ रन बनाए । मण्डललाई तिलक राज भण्डारीले आउट गराएका थिए ।

ओपनर हरिकृष्ण झाले २५ बलमा २४ को स्ट्राइका रेट बनाउँदै ६ रन जोडे । उनलाई बाहिर पठाउन गौतम केसीले फालेको बल आदिल खानले क्याच गरे । झा बाहिरिएपछि मैदान प्रवेश गरेका हरिबहादुर चौहानले ९ बल खेलेर एक रनभन्दा धेरै जोड्नै सकेनन् । पूरा दुई ओभर पनि मैदान नटिकेका चौहानलाई पनि गौतम केसीले आउट गराएका थिए ।

त्यस्तै ३७ बल खेलेर २९ रन बनाएका रोहित पौडेलले ४ चौका प्रहार गरे । खेलको लयमा जमिसकेका पौडेललाई नन्दन यादवले मैदानबाहिर पठाएका थिए । यादवको बल रामनरेश गिरीले क्याच गरेपछि पौडेल आउट भए ।

राजेश पुलामी १५ ओभरमा १७ रन निकाल्दै बाहिरिए । उनले ४ चौका पैहा गरेका थिए । त्यस्तै विनोद भण्डारीले २० बलमा ६ रन प्रहार गरे । २६ बलमा ३७ रन बनाउँदै आक्रामक सुरुवात गरेका कुशल मल्लले ४ चौका र २ छक्का प्रहार गरे ।

त्यस्तै विक्रम शोव, शुसन भारीले क्रमशः २४ र १३ रन बनाएका छन् । विक्रमले ३३ बलमा ३ चौका प्रहार गरे भने शुसनले १४ बलमा एक चौका प्रहार गरे । शाहब आलम एक बलमा एक रन ल्याएर अविजित रहे ।

उनलाई आउट गराउन इसान पाण्डेले आफ्नै बल क्याच गरेका थिए । प्रदेश ३ का तर्फबाट गौतम केसी, तिलक भण्डारी, नन्दन यालव र इसान पाण्डेले समान २२ विकेट लिए ।