एनआरटीसँग पुलिस स्तब्ध

कतार एयरवेज सहिद स्मारक ‘ए’ डिभिजन लिगमा न्युरोड टिम (एनआरटी)ले विभागीय टिम नेपाल पुलिस क्लबलाई पराजित गरेको छ।

नेपाल समय | सोमबार, पुस २८, २०७६

नेपाल समय

सोमबार, पुस २८, २०७६

काठमाडौं– कतार एयरवेज सहिद स्मारक ‘ए’ डिभिजन लिगमा न्युरोड टिम (एनआरटी)ले विभागीय टिम नेपाल पुलिस क्लबलाई पराजित गरेको छ।

राजधानीको त्रिपुरेश्वरस्थित दशरथ रंगशालामा सोमबार सम्पन्न पहिलो खेलमा एनआरटीले पुलिसलाई १–० ले स्तब्ध बनायो। खेलको ७६ औं मिनेटमा एनआरटीका दर्शन गुरुङले राजेश परियारकाे पासमा निर्णायक गाेल गरे।

जितसँगै एनआरटी अंकतालिकामा तीन स्थान सुधार गर्दै छैटौंमा उक्लिएको छ। एनआरटीले ६ खेलबाट ८ अंक बटुलेको छ।

यता, नेपाल पुलिस भने एक स्थान तल झरेको छ। पुलिस ८ अंकसहित अंकतालिकामा सातौं स्थानमा छ। एनआरटीसँग समान अंक भएको पुलिस गोलअन्तरका आधारमा एक स्थान तल भएको हो।

आजै हुन लागेको दोस्रो खेलमा अर्काे विभागीय टिम एपीएफ र च्यासल युथ क्लब प्रतिस्पर्धा गर्दैछन्। उक्त खेल दिउँसो ३ बजे सुरु हुँदैछ।

प्रकाशित: Jan 13, 2020| 14:47 सोमबार, पुस २८, २०७६