स्पेन– बार्सिलोनाका स्ट्राइकर लुइस स्वारेज चार महिना मैदानबाहिर हुने भएका छन्।
घुँडाको शल्यक्रिया गरिएकाले उनी चार महिना आराम गर्न लागेका हुन्।
उनको दाहिने घुँडामा बाह्य मेनिस्कसमा चोट लागेपछि शल्यक्रिया गरिएको हो।
उनले पछिल्लो खेल स्पेनिस सुपर कपमा एथ्लेटिको मड्रिडविरुद्ध खेलेका थिए। उक्त खेलमा बार्सिलोना ३–२ ले पराजित भएको थियो।
स्वारेजले यस सिजनमा बार्सिलोनाका लागि २३ खेलमा १४ गोल गरेका थिए।