सरकारले कृषिको व्यवसायिकतामा जोड दिन्छ : मन्त्री भुसाल

भैरहवा- कृषि तथा पशुपंक्षी विकास मन्त्री घनश्याम भुसालले सरकारले कृषिको व्यवसायीकतामा जोड दिने बताएका छन्।

सेमलार खानेपानी उपभोक्ता तथा सरसफाई संस्था रुपन्देहीको नबौँ साधरणसभालाई सम्बोधन गर्दै मन्त्री भुसालले निर्वाहमूखी कृषिलाई व्यवसायिक बनाउन सरकारले योजनासहित काम गर्ने बताए।

उनले हरेक घरघरमा स्वच्छ खानेपानीको पहुँच पुर्याउनेगरी सरकारले काम गर्ने जिकिर गरे।

मन्त्री भुसालले कृषिमा आत्म निर्भर बनाउनेगरी उत्पादकत्वमा वृद्धि गर्नुपर्ने पनि बताए।

कार्यक्रममा प्रदेश सांसद तुलसी प्रसाद चौधरीले कृषि प्रधान देश नेपालले कृषिको बैज्ञानिक योजना बनाएर कृषिका हरेक उत्पादनमा मुलुकलाई आत्म निर्भर बनाउनुपर्ने बताए।

उक्त कार्यक्रममा सेमलार खानेपानी उपभोक्ता तथा सरसफाई संस्था रुपन्देहीका अध्यक्ष बुद्धि ढकालले सेमलार खानेपानी उपभोक्ता समितिले १ हजार ५ सय ८५ घर धुरीमा खानेपानी पुर्याएको बताए।

उनले सेमलारको ७ वटा वडा र बुटवल उपमहानगरको वडा नम्बर १४, १५ र १६ का जनतालाई घरघरमा खानेपानी पुर्याएको बताए।

सो क्षेत्रमा १५ सय ८५ धारा जडान भएको र चार सय ७३ जोड्न बाँकी रहेका छन्।