अस्ट्रेलिया र न्युजिल्यान्डबीचको तेस्रो टेस्ट सुरु

काठमाडौं– विश्व टेस्ट च्याम्पियनसिपअन्तर्गत अस्ट्रेलिया र न्युजिल्यान्डबीचको तेस्रो टेस्ट क्रिकेट आज (शुक्रबार) सुरु भएको छ।

अस्ट्रेलियाको सिड्नीमा जारी खेलमा घरेलु टोलीले टस जितेर ब्याटिङ गरिरहेको छ। खेलको ६७ ओभर सकिँदा अस्ट्रेलियाले २ विकेट गुमाएर २१२ रन जोडेको छ। अस्ट्रेलियाका मार्नस लाबुसाने ९६ र स्टिभ स्मिथ ४९ रनमा खेलिरहेका छन्। 

अस्ट्रेलियाका डेभिड वार्नर ४५ र जोय बर्नस १८ रन बनाए। 

न्युजिल्यान्डका लागि कोलिन डि ग्रान्डहोम र नेल वागनरले १–१ विकेट लिएका छन्।

यसअघिका दुवै टेस्ट खेल जित्दै अस्ट्रेलियाले जितिसकेकाे छ। अस्ट्रेलियाले पहिलो टेस्ट २९६ रनले र दोस्रो टेस्ट २४७ रनले जितेको हो।

टेस्ट च्याम्पियनसिपको अंकतालिकामा अस्ट्रेलिया दोस्रो स्थानमा छ भने न्युजिल्यान्ड पाँचौं स्थानमा छ। अस्ट्रेलियाको ९ खेलबाट २५६ अंक छ भने न्युजिल्यान्डले ४ खेल खेलेर ६० अंक बटुलेको छ।

अंकतालिकामा शत प्रतिशत जित निकाल्दै भारत शीर्ष स्थानमा छ। भारतले ७ खेलबाट ३६० अंक बटुलेको छ।