ट्रकले मिनी बसलाई ठक्कर दिँदा २२ मजदुरको घटनास्थलमै मृत्यु

मजदुर बोकेको ट्रक र एक मिनी बस एक आपसमा ठोक्किँदा २२ जना मजदुरको घटनास्थलमै मृत्यु भएको छ ।

नेपाल समय | आइतबार, पुस १३, २०७६

नेपाल समय

आइतबार, पुस १३, २०७६

ट्रकले मिनी बसलाई ठक्कर दिँदा २२ मजदुरको घटनास्थलमै मृत्यु

काठमाडौं- इजिप्टको राजधानी कायरोमा मजदुर बोकेको ट्रक र एक मिनी बस एक आपसमा ठोक्किँदा २२ जना मजदुरको घटनास्थलमै मृत्यु भएको छ ।

शनिबार भएको दुर्घटनामा दर्जन बढि ब्यक्ति घाइते भएको अन्तर्राष्ट्रिय समाचार माध्यमहरुले जनाएका छन् । दुर्घटनाको कारण भने स्पष्ट नभएको अधिकारीहरुले बताएका छन् ।

ट्रकले मिनी बसलाई ठक्कर दिएपछि दुर्घटना भएको प्रत्यक्षदर्शीलाई उधृत गर्दै अधिकारीहरुले जनाएका छन् । मृतकहरुमध्ये दुई जना मलेसियन महिला र एक भारतीय नागसिरक पनि रहेको बताइएको छ ।

इजिप्टमा हरेक वर्ष सवारी दुर्घटनामा परेर कयौ सर्वसाधारणको मृत्यु हुने गरेको छ । सन् २०१८ मा मात्र आठ हजार भन्दा बढीको सवारी साधन दुर्घटनामा परेर मृत्यु भएको थियो ।

अघिल्लो वर्ष इजिप्टमा एघार हजारले दुर्घटनामा ज्यान गुमाएका थिए । एजेन्सी