काठमाडौं– इंग्लिस प्रिमियर लिग फुटबलमा वर्नलीलाई पराजित गर्दै म्यानचेस्टर युनाइटेडले अंकतालिकाको पाँचौ स्थानमा उक्लिएको छ।
वर्नलीको घरेलु मैदानमा शनिबार सम्पन्न खेलमा युनाइटेडले वर्नलीमाथि २–० को जित निकाल्यो। युनाइटेडको जितमा एन्थोनी मार्टियल र मार्कोस रासफोर्डले समान १ गोल गरे।
खेलको ४४ औं मिनेटमा मार्टियलले गोल गर्दै युनाइटेडलाई सुरुवाती अग्रता दिलाए। रासफोर्डले दोस्रो हाफको इन्जुरी समयमा गोल गर्दै युनाइटेडको जित सुनिश्चित गरे।
जितसँगै युनाइटेडको ३१ अंक पुगेको छ। यता वर्नली भने २४ अंकसहित अंकतालिकाको १३ औं स्थानमा छ।